Antarvedi Chariot Burn Issue: Some Protesters Tested Corona Positive And Police Officers Too
అంతర్వేది ఆందోళనకారులకు కరోనా అటాక్.. డ్యూటీలో ఉన్న పోలీసులకు సైతం.. జిల్లాలో కలకలం
అంతర్వేదిలో రథం దగ్ధం ఘటనకు సంబంధించి ఆందోళన చేసిన పలువురు నిరసనకారులకు ఆందోళన చేశారు.
Samayam Telugu13 Sep 2020, 9:30 pm
తూర్పు గోదావరి జిల్లా అంతర్వేదిలో రథం దగ్ధం ఘటనకు సంబంధించి చేసిన భారీ ఆందోళన జిల్లాలో కలకలం రేపుతోంది. రథం దగ్ధానికి నిరసనగా బీజేపీ, హిందూ సంఘాలు ఇచ్చిన పిలుపు మేరకు పెద్ద ఎత్తున ఆందోళన కార్యక్రమం నిర్వహించిన విషయం తెలిసిందే. ఈ కార్యక్రమంలో పాల్గొన్న పలువురు ఆందోళనకారులకు కరోనా పాజిటివ్గా నిర్ధారణ అయింది. అలాగే వారిని అరెస్టు చేసిన పోలీసులకు సైతం కరోనా సోకింది.
Samayam Telugu
అరెస్టు అయిన మొత్తం 36 మంది నిందితుల్లో ఇద్దరికి కరోనాగా నిర్ధారణ అయింది. దీంతో ముందస్తు జాగ్రత్తగా పోలీసు అధికారులు కూడా పరీక్షలు చేసుకున్నారు. దీంతో జిల్లా అదనపు ఎస్పీ (పరిపాలనా) కరణం కుమార్కు కరోనా పాజిటివ్గా తేలింది. ఆయనతో పాటు ఈ కేసును విచారించిన ఎస్పీ నయీమ్ ఆస్మి, రాజోలు సీఐ దుర్గా శేఖర్ రెడ్డి, ఆయన డ్రైవర్, రైటర్, మరో ఐదుగురు ఎస్ఐలకు సైతం కరోనా పాజిటివ్గా నిర్ధారణ అయ్యింది. దీంతో ప్రస్తుతం వారంతా వైద్యుల సూచనల మేరకు చికిత్స తీసుకుంటున్నారు. పలువరు పోలీసు అధికారులు స్వీయ నిర్బంధంలోకి వెళ్లారు.
కాగా, తూర్పు గోదావరి జిల్లాలోని ప్రసిద్ధ పుణ్యక్షేత్రం అంతర్వేది శ్రీ లక్ష్మీనరసింహస్వామి ఆలయ ప్రాంగణంలో ఈ నెల 6న ప్రమాదం చోటుచేసుకున్న విషయం తెలిసిందే. 62 ఏళ్ల చరిత్ర కలిగిన స్వామి వారి రథం అగ్నికి ఆహుతైంది. దీనిపై పోలీసులు కేసు నమోదు చేసి దర్యాప్తు చేపట్టగా, అంతలోనే బీజేపీ, జనసేన, పలు హిందూ సంఘాలు ఆందోళనలకు పిలుపునిచ్చాయి. ఈ తరుణంలో అంతర్వేదిలో మంత్రులు పర్యటించగా, ఆ సమయంలో పెద్ద ఎత్తున ప్రజలు రోడ్లపైకి వచ్చి ఆందోళన నిర్వహించారు. తాజాగా, వీరిలో పలువురికి కరోనా రావడం కలకలం రేపుతోంది. రాష్ట్రవ్యాప్తంగా వచ్చిన ప్రజలు పెద్ద ఎత్తున ఆందోళనలో పాల్గొనడంతో ఇంకా ఎవరెవరికి కరోనా సోకి ఉంటుందోనన్న కలవరం మొదలైంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.