Worlds Most Expensive Number Plate Sold For Rs 122.6 Crores, Sets Guinness World Record
Car Number Plate: కారు నంబర్ ప్లేట్ కోసం వందల కోట్లు.. ప్రపంచంలో అత్యంత ఖరీదైనది ఇదే.. గిన్నిస్ రికార్డ్.. ధర ఎంతంటే?
Car Number Plate: సాధారణంగా కారు కొనాలంటే ఈ రోజుల్లో లక్షలు పెట్టాల్సిందే. కనీసం రూ.2 లక్షలకు పైనే అమ్ముడవుతున్నాయి. ఇక కారు నంబర్ ప్లేట్ కావాలంటే చాలా తక్కువే ఉంటుంది. వందల్లో మహా అయితే వేలల్లో ఉంటుంది కదా. కానీ ఇక్కడ అలా కాదు. కారు నంబర్ ప్లేట్ ఏకంగా వందల కోట్లు పలకడం గమనార్హం. ఎక్కడ.. ఎందుకో తెలుసుకుందాం.
Authored byపూర్ణచందర్ తూనం | Samayam Telugu10 Apr 2023, 10:18 am
Car Number Plate: కారు కొనాలనుకుంటే రూ.10 లక్షల వరకు పెట్టుబడి పెడితే మంచి కారు వస్తుంది. ఇక ఏదైనా కొనొచ్చనుకుంటే రూ.3-5 లక్షల్లో కూడా వస్తుంది. ఇక రూ.20 లక్షల పైన పెడితే మంచి ప్రీమియం కార్లు లభిస్తాయి. ఇక కోట్లు పెడితే లగ్జరీ కార్లు వస్తాయి. కార్ల కోసం ఇలా 10,20 లక్షలు ఖర్చు చేయాలంటేనే చాలా మందికి మనసొప్పదు. అయితే ఇక్కడ ఒక కారు నంబర్ కొనుగోలు చేసేందుకే వందల కోట్లు ఖర్చు చేశారు. ఏంటీ నంబర్ కోసమే కోట్లు వెచ్చించడం ఏంటి? అదీ వందల కోట్లు ఏంటి అనుకుంటున్నారు.. ఇది నిజమే మరి. ఇక ఇది ప్రపంచంలోనే అత్యంత ఖరీదైన నంబర్ ప్లేట్ అని తెలుస్తోంది. గిన్నిస్ రికార్డు కూడా సొంతం చేసుకుంది.
Samayam Telugu
VIP కారు నంబర్ P7 అనే దాని కోసం ఏకంగా రూ.122.6 కోట్లు చెల్లించారు. గతంలో ఇంత పెద్ద మొత్తంలో ఖర్చు చేసి ఎవరూ కూడా కారు నంబర్ ప్లేట్ కొనుగోలు చేయలేదట. ఛారిటీ వేలం కోసం ఒక కార్యక్రమాన్ని నిర్వహించగా.. 1 బిలియన్ మీల్స్ ఎండోమెంట్ క్యాంపెయిన్ కోసం కారు నంబర్ ప్లేట్ వేలం వేయడం జరిగింది. దీంట్లోనే P7 అనే నంబర్ కోసం రూ.122 కోట్లకుపైగా ఖర్చు చేశారు. రంజాన్ ఇఫ్తార్ కోసం ఈ వేలం నిర్వహించారు. ఈ కారు నంబర్ ప్లేట్ కోసం వచ్చిన డబ్బులు.. ఛారిటీకి వెళ్తాయి. ఈ వేలం నిర్వహించింది యూఏఈ ప్రభుత్వం. రంజాన్ ఇఫ్తార్ కోసం యాక్షన్ నిర్వహించినట్లు అధికారులు వెల్లడించారు.
P7 కారు నంబర్ ప్లేట్ కోసం మాత్రమే కాకుండా.. ఇతర నంబర్ ప్లేట్స్ను వేలం వేశారు. AA19, AA22, AA80, X36, O71, W78, H31, Z37, Z57, N41 ఇలా పలు కార్ల నంబర్లను వేలం వేశారు. కొన్ని స్పెషల్ నంబర్లను కూడా వేలం వేశారు. వీటిల్లో Y900, Q22222 వంటి నంబర్లు కూడా ఉన్నాయి.
చివరిగా 2008లో అబుదాబిలో నిర్వహించిన వేలంలో కారు నంబర్ ప్లేట్ 52.2 మిలియన్ డాలర్ల దిర్హమ్స్ ధర పలికింది. మన కరెన్సీలో దీని విలువ రూ. 116.3 కోట్లుగా ఉంది. ఇప్పుడు అంతకన్నా ఎక్కువ రేటు పలికింది. P7 నంబర్ కోసం 55 మిలియన్ దిర్హమ్స్ భారత కరెన్సీలో రూ.122.6 కోట్లు పలికింది. ఇది ఆల్టైం రికార్డు అని చెప్పుకోవచ్చు. ఇటీవలి కాలంలో ఇలా కారు నంబర్ ప్లేట్స్ కోసం భారీ మొత్తం పెట్టి రిజిస్ట్రేషన్ చేయించుకుంటున్న వారి సంఖ్య పెరిగింది. మన దగ్గర కూడా ఇలాంటి వేలం కార్యక్రమాలు జరుగుతుంటాయి.
తూనం పూర్ణ చందర్ సమయం తెలుగులో డిజిటల్ కంటెంట్ ప్రొడ్యూసర్గా పనిచేస్తున్నారు. ఇక్కడ రోజూ బిజినెస్ రంగానికి సంబంధించిన వార్తలు రాస్తుంటారు. పర్సనల్ ఫైనాన్స్, ఇన్వెస్ట్మెంట్స్, మ్యూచువల్ ఫండ్స్, స్టాక్ మార్కెట్లు, బంగారం వెండి ధరలపై ఎప్పటికప్పుడు అప్డేట్లు అందిస్తుంటారు. పూర్ణచందర్కు జర్నలిజంలో ఐదేళ్లకుపైగా అనుభవం ఉంది. గతంలో ప్రముఖ మీడియా సంస్థల్లో బిజినెస్, నేషనల్, స్పోర్ట్స్ డెస్కుల్లో పనిచేశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.