ఫేస్‌బుక్ పరిచయం.. ఒకరిని విడిచి మరొకరు ఉండలేక.. విషాదాంతమైన ప్రేమ వివాహం!

సికింద్రాబాద్‌లో మైనర్‌ జంట ప్రేమ వివాహం విషాదాంతమైంది. ఫేస్‌బుక్ ద్వారా పరిచయమైన వీరిద్దరూ.. స్నేహితులుగా.. ఆ తర్వా ప్రేమికులుగా మారారు. ఒకరిని విడిచి మరొకరు ఉండలేమని భావించిన వారిద్దరూ ఇంట్లో నుంచి పారిపోయి పెళ్లి చేసుకున్నాయి. వారిద్దరూ మైనర్లు కావడంతో.. పోలీసులు కౌన్సిలింగ్ ఇచ్చి ఎవరి ఇళ్లకు వాళ్లను పంపించేశారు.

దీంతో మనస్తాపానికి గురైన మైనర్ బాలిక ఆగస్టు 15న ఆత్మహత్య చేసుకుంది. బాలిక చనిపోవడంతో ఆవేదనకు గురైన ఆమె ప్రియుడు.. బుధవారం మౌలాలి వద్ద రైలు కింద పడి బలవన్మరణానికి పాల్పడ్డాడు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. రోజుల వ్యవధిలోనే ప్రేమికులిద్దరూ చనిపోవడంతో ఇరు కుటుంబాల్లో తీవ్ర విషాదం నెలకొంది.

కాగా శ్రద్ధాంజలి పేరిట రూపొందించిన సందేశాన్ని బట్టి అబ్బాయి మైనర్ కాదని తెలుస్తోంది. 12-11-2002న జన్మించినట్లు అందులో పేర్కొన్నారు. మైనార్టీ తీరినప్పటికీ 21 ఏళ్లులోపు వివాహం చేసుకోవడం చట్టపరంగా కుదరదనే సంగతి తెలిసిందే.