Telangana State Got 7 Awards From Central Govt In Panchayat Raj Department
జాతీయ స్థాయిలో తెలంగాణ సత్తా.. కేంద్రం నుంచి ఏకంగా 7 అవార్డులు
Errabelli Dayakar Rao: జాతీయ స్థాయిలో తెలంగాణ రాష్ట్రానికి 7 జాతీయ ఉత్తమ అవార్డులు రావడం పట్ల రాష్ట్ర పంచాయతీరాజ్, గ్రామీణాభివృద్ధి, గ్రామీణ మంచినీటి సరఫరాశాఖ మంత్రి ఎర్రబెల్లి దయాకర్ రావు సంతోషం వ్యక్తం చేశారు.
Samayam Telugu17 Jun 2020, 12:22 am
ఏటా కేంద్ర పంచాయతీరాజ్ శాఖ ఉత్తమ గ్రామ పంచాయతీలకు ప్రకటించే దీన్ దయాళ్ పంచాయత్ సశక్తి కరణ్ పురస్కారాలలో ఈ ఏడాది తెలంగాణ రాష్ట్రానికి వివిధ కేటగిరీల్లో ఏడు అవార్డులు దక్కాయి. ఈ అవార్డులన్నీ జనరల్ కేటగిరీలోనే రావడం విశేషం. జిల్లా, బ్లాక్/మండలం, గ్రామ పంచాయతీల వారీగా ఈ అవార్డులను ప్రకటించారు. కేటగిరీల వారీగా మొదటి కేటగిరీలో నానాజీ దేశ్ ముఖ్ రాష్ట్రీయ గౌరవ్ గ్రామ సభ పురస్కార్గా, రెండో కేటగిరీలో గ్రామ పంచాయతీ డెవలప్మెంట్ ప్లాన్ అవార్డు, మూడో కేటగిరీలో చైల్డ్ ఫ్రెండ్లీ గ్రామ పంచాయత్ అవార్డుల పేరుతో ఈ అవార్డులను ప్రకటిస్తున్నారు. మంగళవారం రాత్రి కేంద్ర పంచాయతీరాజ్ శాఖ జాయింట్ సెక్రటరీ సంజీబ్ పత్ జోషీ ఈ అవార్డులను ప్రకటించారు.
Samayam Telugutelangana map
ఈ అవార్డు్ల్లో... జిల్లాల విభాగంలో నిజామాబాద్ జిల్లాకు అవార్డు దక్కింది. బ్లాక్/మండలం విభాగంలో కరీంనగర్ జిల్లా (ప్రస్తుతం పెద్దపల్లి జిల్లా)లోని సుల్తానాబాద్కి అవార్డు వచ్చింది. ఇదే కేటగిరీలో నిజామాబాద్ జిల్లా నందిపేటకు వచ్చింది. గ్రామ పంచాయతీ విభాగంలో కరీంనగర్ జిల్లా (పెద్దపల్లి జిల్లా), శ్రీరాంపూర్ మండలం కిష్టంపేట గ్రామ పంచాయతీకి దక్కింది. ఇదే విభాగంలో ఉమ్మడి మెదక్ జిల్లా (సిద్దిపేట జిల్లా) చిన్న కోడూరు మండలం గుర్రాల గొండి గ్రామ పంచాయతీకి దక్కింది. ఇదే విభాగంలో కరీంనగర్ జిల్లా కాటారం మండలం గంగారం గ్రామ పంచాయతీకి వచ్చింది. మెదక్ జిల్లా సిద్దిపేట మండలంలోని పెద్ద లింగారెడ్డి పల్లె అనే గ్రామ పంచాయతీకి జనరల్ కేటగిరీలో అవార్డు దక్కింది.
మంత్రి ఎర్రబెల్లి అభినందనలు జాతీయ స్థాయిలో తెలంగాణ రాష్ట్రానికి 7 జాతీయ ఉత్తమ అవార్డులు రావడం పట్ల రాష్ట్ర పంచాయతీరాజ్, గ్రామీణాభివృద్ధి, గ్రామీణ మంచినీటి సరఫరాశాఖ మంత్రి ఎర్రబెల్లి దయాకర్ రావు సంతోషం వ్యక్తం చేశారు. కేంద్రం ప్రకటించిన మూడు కేటగిరీల్లోనూ అవార్డులు రాగా, అవన్నీ జనరల్ విభాగంలోనే రావడం మన రాష్ట్ర ప్రతిభకు నిదర్శనం అన్నారు. ఈ స్ఫూర్తి కొనసాగాలని, వచ్చే ఏడాది మరిన్ని జిల్లాలు, మండలాలు, గ్రామాలు ఈ అవార్డులకు పోటీ పడాలని, మరిన్ని అవార్డులు దక్కాలని మంత్రి ఆకాంక్షించారు.
Must Read: తెలంగాణలో మరో 5 రోజులు వర్షాలు.. ఈ ప్రాంతాల్లో భారీగా..
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.