అనంతపురం: కొంప ముంచిన పెళ్లి విందు.. 13మందికి అస్వస్థత

అనంతపురం జిల్లాలో పెళ్లి విందు కొంప ముంచింది. సోమందేపల్లి మండలం మండ్లిలో పెళ్లి వేడుకలో ఫుడ్ పాయిజన్ కలకలంరేపింది.పెళ్లి భోజనం తిని ఆరుగురు చిన్నారులు అస్వస్థతకు గురయ్యారు. మరో ఏడుగురికి వాంతులు, విరోచనాలు అయ్యాయి. బాధితుల్ని అర్థరాత్రి సమయంలో వెంటనే హిందూపురం ఆసుపత్రికి తరలించి చికిత్స అందజేస్తున్నారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు. ప్రస్తుతం వారి ఆరోగ్య పరిస్థితి నిలకడగానే ఉన్నట్లు వైద్యులు తెలిపారు.

పెళ్లి విందులో భోజనం వల్లే ఫుడ్ పాయిజన్ అయినట్లు అధికారులు అనుమానిస్తున్నారు. ఆ పదార్థాల శాంపిల్స్‌ను కూడా సేకరించారు.. రిపోర్ట్ వచ్చాక చర్యలు తీసుకుంటామని అధికారులు అంటున్నారు. అలాగే ఈ ఘటనకు సంబంధించిన వివరాలు ఆరా తీస్తున్నారు. బాధితుల్లో చిన్నారులు కూడా ఉండటంతో ఆందోళన వ్యక్తమైంది.. కానీ వారి ఆరోగ్య పరిస్థితి నిలకడగా ఉందని డాక్టర్లు చెబుతున్నారు.