తాడిపత్రి: మహిళ ఫోన్‌కు ఆ ఫోటో.. వివాదంలో జేసీ అనుచరుడు

అనంతపురం జిల్లా తాడిపత్రిలో 33 వ వార్డు కౌన్సిలర్, జేసీ ముఖ్య అనుచరుడు విజయ్ కుమార్ వివాదంలో చిక్కుకున్నారు. ఓ మహిళకు ఆయన అసభ్యకరమైన మెసేజ్‌లు పంపించారనే ఆరోపణలు వచ్చాయి. 20 రోజుల క్రితం ఈ విషయం పోలీసులకు తెలియడంతో అతడిని పిలిచి విచారణ చేశారు. అప్పట్లో బాధితురాలు ఫిర్యాదు చేయకపోవడంతో కేసు నమోదు చేయలేదు. ఈ వేధింపులపై ఆ మహిళ ఐదు రోజుల కిందట పోలీసులకు ఫిర్యాదు చేశారు. దీంతో కౌన్సిలర్ విజయ్ కుమార్ పై 354d, 506సెక్షన్ల కింద కేసు నమోదు చేసినట్లు డీఎస్పీ చైతన్య తెలిపారు. విజయ్ కుమార్ అప్పటి నుంచి రాష్ట్రంలో లేరని.. అందుబాటులోకి రాగానే అదుపులోకి తీసుకుని ప్రశ్నిస్తామని డీఎస్పీ అన్నారు. ఈ వ్యవహారంపై విజయ్ కుమార్ స్పందించాల్సి ఉంది.