అనంతపురంలో భగ్గుమన్న పాతకక్షలు.. ఇద్దరి దారుణ హత్య

ఏపీలో ప్రతీకార దాడులు భయాందోళన కలిగిస్తున్నాయి. కర్నూలు జంట హత్యలు మరచిపోక ముందే అనంతపురంలో దారుణం జరిగింది. ఇద్దరు వ్యక్తులను ప్రత్యర్థులు కిరాతకంగా నరికి చంపేశారు.

Samayam Telugu 19 Jun 2021, 4:25 pm

కర్నూలు జిల్లా పెసరవాయి టీడీపీ నేతల దారుణ హత్య మరువక ముందే అనంతపురంలో పాతకక్షలు భగ్గుమన్నాయి. ఇద్దరు వ్యక్తులను అతి కిరాతకంగా నరికి చంపేశారు ప్రత్యర్థులు. యల్లనూరు మండలానికి చెందిన నారాయణ, రాజగోపాల్‌ను దుండగులు దారి కాచి దారుణంగా హతమార్చారు. యల్లనూరు నుంచి అరవేడు గ్రామానికి బైక్‌పై వెళ్తుండగా వ్యాసాపురం వద్ద అడ్డగించిన ప్రత్యర్థులు కత్తులతో నరికి.. బండరాయితో మోది అత్యంత దారుణంగా హత్య చేశారు. ఈ ఘటన స్థానికంగా తీవ్ర కలకలం రేపింది. సమాచారం అందుకున్న పోలీసులు సంఘటన స్థలానికి చేరుకుని పరిశీలించారు. భూతగాదాలే హత్యలకు కారణమని భావిస్తున్నారు. పూర్తి వివరాలు తెలియాల్సి ఉంది.

అనంతపురంలో భగ్గుమన్న పాతకక్షలు.. ఇద్దరి దారుణ హత్య

తరవాత కథనం