ఉండి: ఆ కుటుంబంతో ఎవరైనా మాట్లాడితే రూ.5వేల జరిమానా.. విచిత్రమైన కారణం

పశ్చిమగోదావరి జిల్లా ఉండి మండలం చెరకువాడ గ్రామంలో సామాజిక వెలి కలకలం రేపుతోంది. ఓ కుటుంబాన్ని గ్రామ నుంచి బహిష్కరించిన పెద్దలు.. వారితో ఎవరు మాట్లాడినా 5వేల జరిమానా విధిస్తామని హుకూం జారీ చేశారు. గ్రామ పెద్ద కనకారావు తమపై కక్షగట్టి ఊరి నుంచి వెలి వేశాడని సతీశ్, రాణి దంపతులు ఆవేదన వ్యక్తం చేస్తున్నారు.గతంలో రాణితో కనకారావు అసభ్యంగా పవర్తించడంతో ఆ కుటుంబం పోలీసులకు ఫిర్యాదు చేసింది. దాంతో వారిపై కక్షగట్టిన కనకారావు ఇతర గ్రామ పెద్దలతో కుమ్మక్కై ఆ కుటుంబాన్ని వెలి వేస్తున్నట్లు ప్రకటించాడు. వారితో ఎవరు మాట్లాడినా 5వేల జరిమానా విధిస్తామని గ్రామంలో చాటింపు వేయించారు. ఈ ఘటనపై సమాచారం అందుకున్న పోలీసులు కనకారావు‌తో పాటు మధు మోహన్ రావు అనే వ్యక్తి పైనా కేసు నమోదు చేసి దర్యాప్తు చేపట్టారు. గ్రామ పెద్దల వేధింపుల నుంచి తమకు కాపాడి న్యాయం చేయాలని బాధిత కుటుంబం వేడుకుంటోంది.

• Read Latest and Telugu News