ఏలూరు జిల్లాలో విషాదం.. ఉపాధి కోసం వెళ్లిన నలుగురు కూలీలు దుర్మరణం

ఏలూరు జిల్లాలో విషాదం జరిగింది. లింగపాలెం మండలం బోగోలులో పిడుగుపడి నలుగురు కూలీలు ప్రాణాలు కోల్పోయారు. వీరంతా జామాయిల్‌ కర్రలు నరికేందుకు వచ్చారు. సమాచారం అందుకున్న పోలీసులు ఘటనా స్థలానికి చేరుకున్నారు. క్షతగాత్రులను విజయవాడలోని ఆస్పత్రికి తరలించారు. మృతదేహాలను ఏలూరు ప్రభుత్వ ఆస్పత్రికి తీసుకెళ్లారు. ఈ ఘటన జరిగిన సమయంలో అక్కడ 30 మంది ఉన్నారని పోలీసులు చెబుతున్నారు. తెల్లవారుజామున ఘటన జరిగింది. మృతులు రాయుడు రాజు, కోనపు రెడ్డి శ్రీనివాసు, గుత్తులకొండ బాబుగా గుర్తించారు. వీరందరు కాకినాడ జిల్లాకు చెందిన కూలీలుగా చెబుతున్నారు.