ఏలూరు: పొలంలో తవ్వుతుంటే అదృష్టం తలుపు తట్టింది.. ఈ రైతు చాలా లక్కీ

ఓ రైతు పొలంలో బంగారం పండింది. అదేంటి అనుకుంటున్నారు.. అవును నిజమే. పొలంలో పైప్ లైన్ కోసం తవ్వుంటే బంగారు నాణేలు దొరికాయి. ఏలూరు జిల్లాకొయ్యలగూడెం మండలం ఏడువాడలపాలెం గ్రామ పరిధిలో గత నెల 29న.. మానుకొండ తేజస్వికి చెందిన ఆయిల్‌పాం తోటలో పైపులైన్‌ కోసం తవ్వారు. ఈ క్రమంలో మట్టిలో ఓ మట్టి పిడత దొరికింది. చూడటానికి చాలా పురాతనమైనదిగా కనిపించింది. ఎందుకో దానిని చూడగానే వారికి అనుమానం వచ్చింది. ఆ మట్టి పిడతను పగులగొట్టి చూడగా.. అందులో పురాతన కాలానికి చెందిన బంగారు నాణేలున్నాయి. తేజస్వి భర్త సత్యనారాయణ ఇచ్చిన సమాచారంతో తహసీల్దారు నాగమణి వెళ్లి నాణేలతోపాటు వాటిని ఉంచిన మట్టి పిడతను పరిశీలించారు. ఒక్కో నాణెం సుమారు 8 గ్రాములకు పైగా బరువు ఉందని తెలుస్తోంది. ఇవి రెండు శతాబ్దాల క్రితం నాటివిగా భావిస్తున్నారు. గత నెల 29న దొరకగా.. ఆలస్యంగా బయటపడింది. ఈ ఘటనకు సంబంధించిన పూర్తి వివరాలు తెలియాల్సి ఉంది.

• Read Latest Andhra Pradesh News and Telugu News