ఏలూరు జిల్లాలో ఈదురు గాలుల బీభత్సం సృష్టించాయి. ఈ క్రమంలో తాటి చెట్టు కూలి రోడ్డుపై వెళుతున్న ఆటోపై పడటంతో ప్రమాదం జరిగింది. ఈ ఘటనలో రెండేళ్ల చిన్నారి చనిపోగా.. నలుగురికి గాయాలు అయ్యాయి. నూజివీడు మండలం సిద్ధార్థనగర్‌కు చెందిన బత్తుల ప్రభాకరరావు (ఆటోడ్రైవర్‌), ముసునూరు మండలం చెక్కపల్లికి చెందిన చంద్ర, నూజివీడుకు చెందిన మాణిక్యం, పరిశుద్ధంలు బంధువులు. వీరు ఆటోలో నూజివీడు మండలం సీతారామపురంలోని వారి బంధువులను పరామర్శించేందుకు వెళ్లారు. వారి రెండేళ్ల పాపను తీసుకెళ్లారు.
చిన్నారి తల్లిదండ్రులు ఎన్టీఆర్‌ జిల్లా రెడ్డిగూడెం మండలం కుదపలో ఉంటారు. బంధువుల దగ్గరకు వారి కుమార్తెను పంపించారు. ఇంతలోనే ఈ ప్రమాదం జరిగింది. వీరంతా వ్యవసాయ కూలీలు. చిన్నారి మరణంతో తల్లిదండ్రులు కన్నీళ్లు పెట్టుకున్నారు. మరణం ఇలా కూడా వెంటాడుతుందా అని స్థానికులు ఈ ఘటన తర్వాత చర్చించుకున్నారు.
చిన్నారి తల్లిదండ్రులు ఎన్టీఆర్‌ జిల్లా రెడ్డిగూడెం మండలం కుదపలో ఉంటారు. బంధువుల దగ్గరకు వారి కుమార్తెను పంపించారు. ఇంతలోనే ఈ ప్రమాదం జరిగింది. వీరంతా వ్యవసాయ కూలీలు. చిన్నారి మరణంతో తల్లిదండ్రులు కన్నీళ్లు పెట్టుకున్నారు. మరణం ఇలా కూడా వెంటాడుతుందా అని స్థానికులు ఈ ఘటన తర్వాత చర్చించుకున్నారు.
- Read Latest Andhra Pradesh News and Telugu News