గోదారోళ్లకి జగన్ గుడ్‌న్యూస్.. రివీల్ చేసిన వైసీపీ ఎంపీ

గోదారోళ్లకి జగన్ సర్కార్ గుడ్‌న్యూస్ చెప్పింది. పశ్చిమ గోదావరి జిల్లాలో వందల కోట్లతో ప్రతిష్టాత్మక ఫిషరీస్ యూనివర్సిటీ ఏర్పాటుకు సీఎం వైఎస్ జగన్ గ్రీన్‌సిగ్నల్ ఇచ్చారు. తమ పార్టీ గుర్తుపై గెలిచి తమకే పక్కలో బల్లెంలా తయారైన రెబల్ ఎంపీ రఘు రామకృష్ణ రాజు ఇలాకాలోనే వర్సిటీ ఏర్పాటు చేయనుండడం విశేషం. వర్సిటీకి అనుబంధంగా మత్స్యకారులు అధికంగా ఉన్న శ్రీకాకుళం జిల్లా పలాస, కొల్లేరు ప్రాంతానికి సమీపంలోని కైకలూరులో ఫిషరీస్ కాలేజీలు ఏర్పాటు చేయనున్నారు. వర్సిటీ ఏర్పాటును వైసీపీ ఎంపీ విజయసాయి రెడ్డి రివీల్ చేశారు.

పశ్చిమగోదావరి జిల్లా నర్సాపురం వద్ద 332 కోట్ల రూపాయలతో ఫిషరీస్ యూనివర్సిటీ ఏర్పాటు చేసేందుకు సీఎం జగన్ ఆమోద ముద్ర వేశారని విజయాసాయి తెలిపారు. నలభై ఎకరాల్లో నిర్మించే ఈ వర్సిటీలో అక్వా రంగానికి సాయపడే పరిశోధనా సంస్థలు వస్తాయని చెప్పారు. వర్సిటీకి అనుబంధంగా పలాస, కైకలూరుల్లో ఫిషరీస్ కాలేజీలు నెలకొల్పుతారని ఎంపీ విజయసాయి తెలియజేశారు.

Also Read: