పల్నాడు జిల్లా నరసరావుపేట పట్టణంలోని రామిరెడ్డి పేటలో పోట్ల కుమారి(50) అనే మహిళ బలవన్మరణానికి పాల్పడింది. ఇంట్లో ఎవరూ లేని సమయంలో ఆస్తి పేపర్లు, నగదును దగ్ధం చేసి.. కిరోసిన్ పోసుకొని ఆమె ఆత్మహత్యకు పాల్పడింది. ఇంట్లో నుంచి మంటలు రావడం గమనించిన స్థానికులు అగ్నిమాపక సిబ్బందికి సమాచారం ఇచ్చారు. వారు రంగంలోకి దిగి మంటలను ఆర్పేసి.. పోలీసులకు సమాచారం ఇచ్చారు. వన్‌టౌన్ సీఐ అశోక్ కుమార్ కేసు నమోదు చేసి దర్యాప్తు ప్రారంభించారు. కుమారి ఆత్మహత్య చేసుకోవడానికి ఒంటరితనం, మానసిక కుంగుబాటే కారణమని తెలుస్తోంది.
పెద్ద కుమార్తె కుమారుడు ఇటీవలి వరకూ కుమారితోపాటే ఉన్నాడు. కానీ గురువారం పెద్ద కుమార్తె బాబును తనతో తీసుకొని వెళ్లింది. దీంతో కుమారి ఒంటరితనానికి లోనైంది. ముగ్గురు పిల్లలు ఉన్నప్పటికీ.. ఎవరూ తమతో ఉండటం లేదనే వేదనకు లోనైంది. భర్త బయటకు వెళ్లిన సమయంలో రూ.7 లక్షల నగదు, ఆస్తి ప్రతాలు, బ్యాంక్ ఖాతా పుస్తకాలను కుప్పగా పోసి వాటికి నిప్పు అంటించింది. అనంతరం తాను కూడా నిప్పు అంటించుకొని ఆత్మహత్య చేసుకుంది.
విలువైన భూములు.. చేతిలో అవసరానికి సరిపడా సొమ్ము.. ఒంటి నిండా బంగారం.. ఉన్నప్పటికీ ఆత్మీయులు, ముఖ్యంగా పిల్లలు తోడుగా లేకపోతే చాలా మంది తట్టుకోలేరు. నా అనే వాళ్లు దగ్గర లేకుండా.. ఒంటరిగా జీవితం వెళ్లదీయం ఎంతో కష్టం కూడుకున్నది. కొందరు తప్పనిసరి పరిస్థితుల్లో ఒంటరితనానికి అలవాటు పడతారు. కానీ కుమారి మాత్రం అలా అలవాటు పడలేక.. బలవనర్మణానికి పాల్పడింది.
పెద్ద కుమార్తె కుమారుడు ఇటీవలి వరకూ కుమారితోపాటే ఉన్నాడు. కానీ గురువారం పెద్ద కుమార్తె బాబును తనతో తీసుకొని వెళ్లింది. దీంతో కుమారి ఒంటరితనానికి లోనైంది. ముగ్గురు పిల్లలు ఉన్నప్పటికీ.. ఎవరూ తమతో ఉండటం లేదనే వేదనకు లోనైంది. భర్త బయటకు వెళ్లిన సమయంలో రూ.7 లక్షల నగదు, ఆస్తి ప్రతాలు, బ్యాంక్ ఖాతా పుస్తకాలను కుప్పగా పోసి వాటికి నిప్పు అంటించింది. అనంతరం తాను కూడా నిప్పు అంటించుకొని ఆత్మహత్య చేసుకుంది.
విలువైన భూములు.. చేతిలో అవసరానికి సరిపడా సొమ్ము.. ఒంటి నిండా బంగారం.. ఉన్నప్పటికీ ఆత్మీయులు, ముఖ్యంగా పిల్లలు తోడుగా లేకపోతే చాలా మంది తట్టుకోలేరు. నా అనే వాళ్లు దగ్గర లేకుండా.. ఒంటరిగా జీవితం వెళ్లదీయం ఎంతో కష్టం కూడుకున్నది. కొందరు తప్పనిసరి పరిస్థితుల్లో ఒంటరితనానికి అలవాటు పడతారు. కానీ కుమారి మాత్రం అలా అలవాటు పడలేక.. బలవనర్మణానికి పాల్పడింది.