సత్తెనపల్లి వైఎస్సార్‌సీపీలో వర్గపోరు.. కళ్లల్లో కారం చల్లి యూత్ కన్వీనర్‌పై దాడి !

YSRCP: పల్నాడు జిల్లా సత్తెనపల్లి వైఎస్సార్‌సీపీలో వర్గ విభేదాలు భగ్గుమన్నాయి. జలవనరులశాఖ మంత్రి అంబటి రాంబాబు ముఖ్య అనుచరుడు, పార్టీ యూత్ కన్వీనర్ షేక్ కరీముల్లాపై గతరాత్రి దాడి జరిగింది. నియోజకవర్గంలో హోర్డింగ్‌ల నిర్వహణ విషయంలో వైఎస్సార్‌సీపీలోని ఇరు వర్గాల మధ్య గత కొంత కాలంగా వివాదం నడుస్తోంది. షేక్ కరీముల్లాకు పార్టీలో కొందరు నాయకులకు మధ్య పొసగటం లేదు.

ఈ నేపథ్యంలో కరీముల్లా కళ్లలో కారం చల్లి సోమవారం రాత్రి దాడి చేశారు. తన పార్టలో ప్రత్యర్థి వర్గం వారే తనపై దాడి చేసినట్లు కరీముల్లా సత్తెనపల్లి పోలీసులకు ఫిర్యాదు చేశాడు. వేగ డిజిటల్ యాజమాన్యంపై అనుమానం ఉన్నట్లు పోలీసులకు తెలిపాడు. బాధితుడి ఫిర్యాదు మేరకు కేసు నమోదు చేసుకున్న పోలీసులు విచారణ చేపట్టారు.