ఏపీ మంత్రులు, వైసీపీ ఎమ్మెల్యేలను ఇంటెలిజెన్స్ విభాగం అప్రమత్తం చేసింది. దాడులు జరిగే అవకాశముందని, జాగ్రత్తగా ఉండాలంటూ హెచ్చరికలు జారీ చేసింది. తూర్పుగోదావరి జిల్లాతో పాటు ఉత్తరాంధ్రకు చెందిన మంత్రులు, వైసీపీ ఎమ్మెల్యేలపై దాడులు జరిగే అవకాశముందనే సమాచారం తమ దృష్టికి వచ్చిందని, నేతలందరూ అప్రమత్తంగా ఉండాలని ఇంటెలిజెన్స్ పోలీసులు సూచించారు. ఇటీవల శ్రీకాకుళం జిల్లా టెక్కలిలో జనసేన పార్టీ కార్యాలయంపై దాడి ఘటన దుమారం రేపుతోన్న విషయం తెలిసిందే. కార్యాలయంలోకి 20 మంది చొచ్చుకెళ్లి ఫర్నీచర్‌ను ధ్వంసం చేశారు. వైసీపీ నేతలే ఈ దాడికి పాల్పడ్డారనే ఆరోపణలు జనసేన వర్గాల నుంచి వినిపిస్తోంది.
ఇంటెలిజెన్స్ పోలీసులు హెచ్చరించిన వైసీపీ నేతల జాబితాలో గుడివాడ అమర్‌నాథ్, బొత్స సత్యానారాయణ, రోజా, అంబటి రాంబాబు, కొట్టు సత్యానారాయణ, జోగి రమేష్, దాడిశెట్టి రాజా, అవంతి శ్రీనివాస్, కొడాలి నాని, జక్కంపూడి రాజా, పేర్ని నాని, గ్రంథి శ్రీనివాస్, దువ్వాడ శ్రీనివాస్, గొర్ల కిరణ్ ఉన్నట్లు సమాచారం. ఇటీవల విశాఖపట్నం ఎయిర్ పోర్ట్ దగ్గర మంత్రులు, ఎమ్మెల్యేలపై దాడి ఘటన ఏపీ పాలిటిక్స్‌లో ప్రకంపనలు రేపింది. రాళ్లతో మంత్రులపై కొంతమంది ఆగంతకులు దాడికి పాల్పడ్డారు. అయితే జనసేన కార్యకర్తలు ఈ దాడికి తెగబడ్డారంటూ కొంతమందిని పోలీసులు అరెస్ట్ చేయడంపై పవన్ కల్యాణ్ మండిపడ్డారు. జనసేన నేతలకు బెయిల్ వచ్చేంతవరకు విశాఖలోనే ఉండిపోయారు.
ఇప్పుడు మరోసారి వైసీపీ నేతలపై దాడులు జరిగే అవకాశముందనే వార్తలు సంచలనంగా మారాయి. ఇంటెలిజెన్స్ సమాచారంతో వైసీపీ నేతలకు టెన్షన్ పట్టుకుంది. ఎవరు ఎప్పుడు దాడి చేస్తారేమోననే భయం వారిని వెంటాడుతోంది. దీంతో తమ సెక్యూరిటీని మంత్రులు, వైసీపీ ఎమ్మెల్యేలు అలర్ట్ చేశారు. గుర్తు తెలియని వ్యక్తులను కలిసేందుకు మంత్రులు, ఎమ్మెల్యేలు ఆసక్తి చూపడం లేదు. తమ దగ్గరకు సమస్యలు చెప్పుకోవడానికి వచ్చే ప్రజల గురించి అన్ని వివరాలు తెలుసుకున్న తర్వాతే కలుస్తున్నారు. కొద్దిరోజుల పాటు మంత్రులు, ఎమ్మెల్యేలకు జనసేన నేతలు, కార్యకర్తల నుంచి సెగ తప్పేలా లేదు.
ఇంటెలిజెన్స్ పోలీసులు హెచ్చరించిన వైసీపీ నేతల జాబితాలో గుడివాడ అమర్‌నాథ్, బొత్స సత్యానారాయణ, రోజా, అంబటి రాంబాబు, కొట్టు సత్యానారాయణ, జోగి రమేష్, దాడిశెట్టి రాజా, అవంతి శ్రీనివాస్, కొడాలి నాని, జక్కంపూడి రాజా, పేర్ని నాని, గ్రంథి శ్రీనివాస్, దువ్వాడ శ్రీనివాస్, గొర్ల కిరణ్ ఉన్నట్లు సమాచారం. ఇటీవల విశాఖపట్నం ఎయిర్ పోర్ట్ దగ్గర మంత్రులు, ఎమ్మెల్యేలపై దాడి ఘటన ఏపీ పాలిటిక్స్‌లో ప్రకంపనలు రేపింది. రాళ్లతో మంత్రులపై కొంతమంది ఆగంతకులు దాడికి పాల్పడ్డారు. అయితే జనసేన కార్యకర్తలు ఈ దాడికి తెగబడ్డారంటూ కొంతమందిని పోలీసులు అరెస్ట్ చేయడంపై పవన్ కల్యాణ్ మండిపడ్డారు. జనసేన నేతలకు బెయిల్ వచ్చేంతవరకు విశాఖలోనే ఉండిపోయారు.
ఇప్పుడు మరోసారి వైసీపీ నేతలపై దాడులు జరిగే అవకాశముందనే వార్తలు సంచలనంగా మారాయి. ఇంటెలిజెన్స్ సమాచారంతో వైసీపీ నేతలకు టెన్షన్ పట్టుకుంది. ఎవరు ఎప్పుడు దాడి చేస్తారేమోననే భయం వారిని వెంటాడుతోంది. దీంతో తమ సెక్యూరిటీని మంత్రులు, వైసీపీ ఎమ్మెల్యేలు అలర్ట్ చేశారు. గుర్తు తెలియని వ్యక్తులను కలిసేందుకు మంత్రులు, ఎమ్మెల్యేలు ఆసక్తి చూపడం లేదు. తమ దగ్గరకు సమస్యలు చెప్పుకోవడానికి వచ్చే ప్రజల గురించి అన్ని వివరాలు తెలుసుకున్న తర్వాతే కలుస్తున్నారు. కొద్దిరోజుల పాటు మంత్రులు, ఎమ్మెల్యేలకు జనసేన నేతలు, కార్యకర్తల నుంచి సెగ తప్పేలా లేదు.