కడప: బ్యాంకులో చోరీకి వెళ్లిన దొంగ.. సీసీ ఫుటేజ్ చూస్తే, హమ్మయ్యా!

కడప జిల్లా ఎర్రగుంట్లలో బ్యాంకులో చోరీ వ్యవహారం కలకలంరేపింది. ప్రొద్దుటూరు రోడ్డులో ఉన్న ఎస్‌బీఐలో గుర్తు తెలియని వ్యక్తి చోరీకి ప్రయత్నించాడు. శుక్రవారం బ్యాంకు ఉద్యోగులు సీసీ ఫుటేజ్ చూసి షాకయ్యారు. రాత్రి 2 గంటల సమయంలో గుర్తు తెలియని వ్యక్తి బ్యాంకు లోనికి ప్రవేశించాడు.. చోరీకి విఫలయత్నం చేశారు. అతడికి డబ్బు, ఇతర అభరణలు ఏమీ దొరకపోవడంతో తిరిగి వెళ్లిపోయినట్లు సిబ్బంది తెలిపారు. విషయం తెలిసిన వెంటనే పోలీసులు సంఘటనా స్థలానికి చేరుకుని బ్యాంకు సీసీ ఫుటేజ్‌ను పరిశీలించారు. బ్యాంకులో ఏవీ ఎత్తుకెళ్లకపోవడంతో సిబ్బంది ఊపిరి పీల్చుకున్నారు.