కడప: ఇద్దర్ని పెళ్లి చేసుకున్న ఆంటీ.. వదిలేసినా, అక్రమ సంబంధాలు.. చివరికి, షాకింగ్!

పరువు అనే వలయంలో చిక్కుకుని కొందరు అరాచకాలకు పాల్పడుతున్నారు. ఒక మనిషి తనకు ఇష్టమొచ్చినట్లు బతికే.. జీవించే హక్కును కాలరాస్తున్నారు. ఇంట్లో ఆడవారిపై పెత్తనం చేయాలనే మూసలో పడిపోయి, చివరికి హంతకులుగా మారుతున్నారు. కొందరు పరువు కోసం కసాయిలుగా మారి, చివరికి ఊచలు లెక్కబెడుతున్నారు. తాజాగా, కడపలో ఒళ్లు గగుడ్పొడిచే సంచలన నిజం వెలుగులోకి వచ్చింది.

ఈ ఏడాది జనవరి 9వ తేదీన జరిగిన గుర్తు తెలియని మహిళ హత్య కేసును పోలీసులు ఛేదించారు. ఈ కేసుకు సంబంధించి నిందితుడు మహమ్మద్‌ అలీని అరెస్టు చేసినట్లు కడప జిల్లా పులివెందుల గ్రామీణ సీఐ రవీంద్రనాథ్‌రెడ్డి, ఎస్సై సంజీవరెడ్డి తెలిపారు.

పోలీసులు తెలిపిన వివరాల ప్రకారం... కడప నగరానికి చెందిన రేష్మా కౌసర ఒకరికి తెలియకుండా ఇంకొకరిని, ఇలా ఇద్దరిని పెళ్లి చేసుకుంది. ఈ విషయం తెలియడంతో ఆమె ఇద్దరు భర్తలు విడాకులు ఇచ్చారు. అయితే, ఆ తర్వాత కూడా ఆమెలో మార్పు రాకపోగా, మరికొందరితో వివాహేతర సంబంధం పెట్టుకుంది. దీంతో కుటుంబానికి చెడ్డపేరు వస్తుందని ఆమె బావ మహమ్మద్‌ అలీ భావించాడు.

రేష్మాను ఎలాగైనా హత్య చేయాలని మహమ్మద్ అలీ నిర్ణయించుకున్నాడు. ఇందులో భాగంగానే రేష్మా కౌసరతో ఆమెకు మరో పెళ్లి చేస్తానని చెప్పాడు. పెళ్లి సంబంధం ఉందని నమ్మబలికి అనంతపురం జిల్లా కదిరికి వెళ్తానని చెప్పాడు. ఇలా, రేష్మాను బైక్‌పై ఎక్కించుకుని తీసుకెళ్లారు. ఈ క్రమంలోనే మార్గమధ్యంలో కనంకిందకొట్టాల సమీపంలోని కదిరి మలుపుల్లో వాహనాన్ని ఆపి రేష్మాను బండరాయితో కొట్టి ఆమెను హత్య చేశాడు.

తర్వాత, ఏమీ తెలియనట్లు శవాన్ని అక్కడ పారవేసి అలీ వెళ్లిపోయాడు. అనాథ శవంగా కేసు నమోదు చేసుకున్న పోలీసులు.. తమదైన శైలిలో లోతుగా విచారణ చేపట్టగా షాకింగ్ నిజం బయటపడింది. మహమ్మద్ అలీని అరెస్ట్ చేసిన పోలీసులు.. అతడిని రిమాండ్‌కు తరలించారు.