ప్రతి పల్లెకూ పోతా.. కష్టాలు వింటా: వైఎస్ షర్మిల

ప్రజా ప్రస్థానం పాదయాత్రలో భాగంగా రాష్ట్రంలోని ప్రతి పల్లెకు వెళ్లి ప్రజల కష్టాలు వింటానని వైఎస్సార్ టీపీ అధ్యక్షురాలు వైఎస్ షర్మిల అన్నారు. పాదయాత్ర ప్రారంభిస్తున్న సందర్భంగా మంగళవారం వైఎస్సార్ ఘాట్‌లో ఆమె నివాళులర్పించారు. ఈ సందర్భంగా ఆమె మాట్లాడుతూ తెలంగాణలో వైఎస్సార్ సంక్షేమ పాలన లేదని.. అందుకోసమే ప్రజా ప్రస్థానం పాదయాత్ర చేపట్టనున్నట్లు తెలిపారు.

రాష్ట్రమంతా తిరిగి ప్రతి పల్లెకు పోయి ప్రతి గడపతి తడతామని షర్మిల అన్నారు. ప్రజలతో మమేకమై వారి నోటి నుంచే కష్టాలను వింటామని ఆమె చెప్పారు. ప్రజల కష్టాలపై ప్రభుత్వాన్ని నిలదీస్తామన్నారు. రేపు రంగారెడ్డి జిల్లా చేవెళ్ల నుంచి చేవెళ్ల నుంచి పాదయాత్ర ప్రారంభం కానుంది. వైఎస్సార్ టీపీ అధ్యక్షురాలు వైఎస్ షర్మిల మంగళవారం ఇడుపులపాయకు చేరుకుని.. తొలుత వైఎస్సార్ ఘాట్‌ వద్ద షర్మిల, విజయమ్మ నివాళులర్పించారు. ఈ సందర్భంగా వారు ప్రత్యేక ప్రార్థనలు నిర్వహించారు.