నంద్యాల: శబరిమల వెళుతున్న అయ్యప్ప స్వాముల బస్సు బోల్తా.. ఏడుగురికి తీవ్ర గాయాలు

నంద్యాల సమీపంలో రోడ్డు ప్రమాదం జరిగింది. హైదరాబాద్ నుంచి శబరిమలకు వెళ్తున్న అయ్యప్ప స్వాముల మినీ బస్సు టెంపో ట్రావెలర్ బోల్తాపడింది. బస్సులో 15 మంది ప్రయాణిస్తుండగా ఏడుగురికి తీవ్ర గాయాలు అయ్యాయి.. గాయపడిన వారిని 108 వాహనంలో నంద్యాల జిల్లా ప్రభుత్వ ఆసుపత్రికి తరలించారు. వారిలో ఇద్దరు పరిస్థితి విషమంగా ఉండటంతో కర్నూలు ప్రభుత్వ ఆష్పత్రికి తరలించారు. ఈ ప్రమాదంలో ఏడేళ్ల చిన్నారి కూడా ఉన్నారు.. ఆమెకు ఎటువంటి గాయాలు కాలేదు. నంద్యాల సమీపంలోని కానాల పల్లె మలుపు దగ్గర ఈ ప్రమాదం జరిగింది. డ్రైవర్ నిద్ర మత్తు వల్లే ప్రమాదం జరిగిందని.. రోడ్డు పక్కన మినీ బస్సు బోల్తా పడింది అని స్థానికులు అంటున్నారు. పోలీసులు కేసు నమోదు చేసి దర్యాప్తు చేస్తున్నారు. క్షతగాత్రుల వివరాలు తెలియాల్సి ఉంది. ఈ ప్రమాదానికి సంబంధించి పూర్తి వివరాలు తెలియాల్సి ఉంది.

• Read Latest Andhra Pradesh News and Telugu News