నంద్యాల జిల్లా బనగానపల్లె వైఎస్సార్‌సీపీ (BanaganaPalle Ysrcp)లో అంతర్గత విభేదాలు బయటపడ్డాయి. కాటసాని కుటుంబంలో కీలక నేత పార్టీకి గుడ్ బై చెప్పారు. వైఎస్సార్‌సీపీ స్థానిక ఎమ్మెల్యే కాటసాని రామిరెడ్డి సోదరుడి కుమారుడు కాటసాని రమాకాంత్ రెడ్డి (Katasani Ramkanth Reddy) వైఎస్సార్‌సీపీకి రాజీనామా చేశారు. సోషల్ మీడియా వేదికగా పోస్ట్‌తో పార్టీ నుంచి తప్పుకుంటున్నట్లు ప్రకటించారు. 'Good Bye YSRCP!!! Sorry CM YSJagan'అంటూ ఫేస్‌బుక్‌లో పోస్ట్ పెట్టారు. రాజీనామాకు కారణాలను వెల్లడించలేదు.
కాటసాని రమాకాంత్ రెడ్డి అవుకు మండలం గుండ్లసింగవరం సర్పంచ్‌గా ఉన్నారు. రమాకాంత్ కాటసాని శివరామిరెడ్డి కుమారుడు. కాటసాని కుటుంబంలో పాణ్యం ఎమ్మెల్యే కాటసాని రాంభూపాల్ రెడ్డి , బనగానపల్లె ఎమ్మెల్యే కాటసాని రామిరెడ్డి, ప్రసాదరెడ్డి, తిరుపాల్ రెడ్డి, చంద్రశేఖర్ రెడ్డి.. ఇలా కాటసాని కుటుంబం మొత్తం వైఎస్సార్‌సీపీలోనే ఉంది. కాటసాని ఫ్యామిలీలో కీలకంగా ఉన్న శివరామిరెడ్డి కుమారుడు వైఎస్సార్‌సీపీ నుంచి బయటకు రావడం ఆసక్తికరంగా మారింది. రమాకాంత్ రాజీనామాకు కారణం తెలియాల్సి ఉంది.
బనగానపల్లె వైసీపీ నేత రాజీనామా.. సారీ సీఎం జగన్ అంటూ కాటసాని ఫేస్‌బుక్ పోస్ట్!
Banaganapalle Ysrcp నేత కాటసాని రమాకాంత్ రెడ్డి పార్టీకి రాజీనామా చేస్తున్నట్లు ప్రకటించారు. ఫేస్‌బుక్ వేదికగా తన నిర్ణయాన్ని ప్రకటించారు. సారీ సీఎం జగన్ అంటూ పోస్ట్ పెట్టారు.
