చిన్న నిర్లక్ష్యం.. శ్రీశైలం ఆలయ ఆవరణలో అగ్ని ప్రమాదం

కర్నూలు జిల్లాలోని శ్రీశైలం ఆలయం ఆవరణంలో అగ్ని ప్రమాదం చోటు చేసుకుంది. దేవస్థానం పరిధిలోని భక్తుల క్యూ లైన్స్ పక్కనున్న హోటల్‌లో మంగళవారం తెల్లవారుజామున అగ్నిప్రమాదం జరిగింది. రాత్రి హోటల్‌లోని కట్టెలపోయి అర్పకుండా వెళ్లడంతో ఈ ప్రమాదం చోటు చేసుకుంది. మంటలు ఎగిసిపడుతుండడంతో గమనించిన దేవస్థానం సెక్యూరిటీ అప్రమత్తమై అగ్నిమాపక సిబ్బంది సమాచారం ఇచ్చారు.

సంఘటన స్థలానికి చేరుకున్న ఫైర్ సిబ్బంది మంటలను అదుపు చేశారు. మంటల్లో హోటల్ కాలిపోగా.. హోటల్లో ఉన్న సామాగ్రి అగ్నికి ఆహుతైంది. సుమారు రూ.50 వేలు ఆస్తి నష్టం జరిగి ఉంటుందని సమాచారం. ఆలయం ఆవరణంలో ఒక్కసారిగా మంటలు చెలరేగడంతో భక్తులు, ఆలయ సిబ్బంది భయాందోళనకు గురయ్యారు.