Srisailamకి జలకళ.. జలాశయంలోకి భారీగా వరద..

శ్రీశైలం జలాశయానికి భారీగా వరద నీరు వచ్చి చేరుతోంది. ఎగువన ఎడతెరిపి లేని వర్షాలతో కృష్ణమ్మ పరవళ్లు తొక్కుతోంది. కర్నాటకలోని ఆల్మట్టి.. ఎగువన ఉన్న జూరాల ప్రాజెక్టుల నుంచి దిగువకు నీటిని విడుదల చేయడంతో శ్రీశైలానికి భారీగా వరద నీటి ప్రవాహం కొనసాగుతోంది. జలాశయానికి 3,79,213 క్యూసెక్కుల నీరు ఎగువ పరీవాహక ప్రాంతాల నుంచి వస్తోంది. శ్రీశైలం జలాశయం పూర్తి నీటిమట్టం 885 అడుగులు కాగా ప్రస్తుతం 860.70 అడుగులకు చేరింది. ఎడమగట్టు జల విద్యుత్ కేంద్రంలో విద్యుత్ ఉత్పత్తి కొనసాగుతోంది. విద్యుత్ ఉత్పత్తి ద్వారా దిగువకు 31,784 క్యూసెక్కుల నీటిని విడుదల చేస్తున్నారు. జలాశయం నీటి నిల్వ సామర్థ్యం 215 టీఎంసీలు కాగా ప్రస్తుతం 108 టీఎంసీలు నిల్వ ఉన్నట్టు ప్రాజెక్టు అధికారులు తెలిపారు.

Also Read: