నంద్యాలలో విషాదం.. పెళ్లయిన కొద్ది గంటల్లోనే వరుడు మృతి

నంద్యాల జిల్లా వెలుగోడు మండలంలో విషాదం చోటుచేసుకుంది. వివాహమై కొన్ని గంటలు గడవక ముందే నవ వరుడు దురదృష్టవశాత్తు రోడ్డు ప్రమాదంలో మృతి చెందాడు. దీనిపై కేసు నమోదు చేసిన పోలీసులు దర్యాప్తు చేస్తున్నారు.

వివరాల్లోకి వెళ్తే.. వెలుగోడు మండలానికి చెందిన శివ కుమార్‌కు తాజాగా పెళ్లి జరిగింది. అయితే ఇవ్వాళ తెల్లవారుజామున రోడ్డుపై వెళ్తుండగా మండలంలోని మోత్కూరు వద్ద గుర్తు తెలియని ఆయనను ఢీకొంది. దీంతో శివకుమార్‌ అక్కడికక్కడే ప్రాణాలు కోల్పోయాడు. . వివాహం జరిగిన కొన్ని గంటల్లోనే శివకుమార్‌ మృతి చెందడంతో రెండు కుటుంబాల్లో విషాదఛాయలు అలముకున్నాయి. సమాచారం అందుకున్న స్థానిక పోలీసులు సంఘటనా స్థలానికి చేరుకొని వివరాలు సేకరించారు. కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.