ఇటీవల కాలంలో సైబర్ మోసాలు పెరిగిపోయాయి. అమాయకుల్ని టార్గెట్ చేసి నిండా ముంచేస్తున్నారు కేటుగాళ్లు. మొన్నటి వరకు ఓటీపీలు, ఆఫర్‌ల పేరుతో డబ్బులు కొట్టేస్తున్న గ్యాంగ్‌లు ఇప్పుడు హనీ ట్రాప్‌లు మొదలు పెట్టాయి. అమాయకంగా ఉండే యువకుల్ని టార్గెట్ చేసి వీడియో కాల్స్‌తో బురిడీ కొట్టిస్తున్నారు. తాజాగా కర్నూలు జిల్లాలో హనీ ట్రాప్ మోసం బయటపడింది. ఎమ్మిగనూరుకు చెందిన ఓ యువకుడిని న్యూడ్‌ వీడియోతో ఓ మహిళ ట్రాప్ చేసేందుకు ప్రయత్నించిన ఘటన కలకలంరేపింది.
డబ్బులు పంపకపోతే ఫేస్‌ బుక్‌, ఇన్‌స్టాగ్రామ్‌లలో అతడి స్నేహితులకు ఈ వీడియోను పంపుతానని బెదిరింపులకు దిగింది. అతడు వద్దని వేడుకున్నా ఆమె మాత్రం స్నేహితులకు పంపింది. ఆ తర్వాత మరో వాట్సాప్‌ నంబర్‌ నుంచి తాము సీబీఐ అధికారులమని.. యూట్యూబ్‌లో వచ్చిన వీడియోను వెంటనే డబ్బు ఇచ్చి డిలిట్‌ చేయుంచుకోవాలంటూ బెదిరించారు. ఆ మెసేజ్‌లు చూసిన యువకుడు దిక్కుతోచని పరిస్థితి ఏర్పడింది. ఈ వ్యవహారంపై పోలీసులకు ఫిర్యాదు ఇంకా అందలేదని తెలుస్తోంది. ఒకవేళ బాధితుడు ఫిర్యాదు చేస్తే చర్యలు తీసుకుంటామని పోలీసులు అంటున్నారు.
డబ్బులు పంపకపోతే ఫేస్‌ బుక్‌, ఇన్‌స్టాగ్రామ్‌లలో అతడి స్నేహితులకు ఈ వీడియోను పంపుతానని బెదిరింపులకు దిగింది. అతడు వద్దని వేడుకున్నా ఆమె మాత్రం స్నేహితులకు పంపింది. ఆ తర్వాత మరో వాట్సాప్‌ నంబర్‌ నుంచి తాము సీబీఐ అధికారులమని.. యూట్యూబ్‌లో వచ్చిన వీడియోను వెంటనే డబ్బు ఇచ్చి డిలిట్‌ చేయుంచుకోవాలంటూ బెదిరించారు. ఆ మెసేజ్‌లు చూసిన యువకుడు దిక్కుతోచని పరిస్థితి ఏర్పడింది. ఈ వ్యవహారంపై పోలీసులకు ఫిర్యాదు ఇంకా అందలేదని తెలుస్తోంది. ఒకవేళ బాధితుడు ఫిర్యాదు చేస్తే చర్యలు తీసుకుంటామని పోలీసులు అంటున్నారు.