వారాహి.. వారాహి.. కొద్దిరోజులుగా జనసైనికులు జపిస్తున్న నినాదమిది. జనసేనాని పవన్‌కళ్యాణ్ ప్రచారం కోసం ప్రత్యేకంగా తయారుచేసిన వాహనానికి ‘వారాహి’ అని నామకరణం చేసిన సంగతి తెలిసిందే. సకల హంగులతో తీర్చిదిద్దిన ఈ వాహనానికి కొద్దిరోజుల క్రితం కొండగట్టు అంజన్న ఆలయం, విజయవాడ దుర్గగుడిలో పవన్‌కళ్యాణ్ ప్రత్యేక పూజలు నిర్వహించారు. పవన్‌పై అభిమానంతో కోనసీమ జిల్లా అమలాపురానికి చెందిన ఓ జనసైనికుడు వారాహి రంగుతో ఎలక్ట్రిక్ బైక్‌ కొనుగోలు చేసి వార్తల్లో నిలిచాడు. ఇదే కోవలో నెల్లూరు నగరంలో వారాహి సైకిళ్లు సరికొత్త ట్రెండ్ సృష్టిస్తున్నాయి.
తనకు పవన్‌కళ్యాణ్ అంటే ఎంతో అభిమానమని చెబుతున్న సుధాకర్ మాధవ్.. ఈ సైకిళ్ల ద్వారా జనసేన పార్టీ విధానాలను బలంగా తీసుకెళ్లాలన్న ఉద్దేశంతోనే ‘వారాహి’ సైకిళ్లను మార్కెట్లోకి విడుదల చేశామన్నారు. వారాహి సైకిళ్లకు నెల్లూరు నగరంలో విపరీతమైన డిమాండ్ ఉందని.. రోజూ వందల సంఖ్యలో ఆర్డర్లు వస్తున్నాయని తెలిపారు. డిమాండ్‌కు తగినట్లుగా తాము సరఫరా చేయలేని పరిస్థితి నెలకొని ఉందని.. ఈ విషయంలో చాలా ఒత్తిడికి గురవుతున్నామని మాధవ్ చెబుతున్నారు. జనసేన పార్టీకి తనవంతు ఏదైనా చేయాలన్న సంకల్పంతోనే ‘వారాహి’ సైకిళ్లను ప్లాన్ చేశామని.. అంతేతప్ప పార్టీలో పదవులు ఆశించి కాదని ఆయన స్పష్టం చేస్తున్నారు.
తనకు పవన్‌కళ్యాణ్ అంటే ఎంతో అభిమానమని చెబుతున్న సుధాకర్ మాధవ్.. ఈ సైకిళ్ల ద్వారా జనసేన పార్టీ విధానాలను బలంగా తీసుకెళ్లాలన్న ఉద్దేశంతోనే ‘వారాహి’ సైకిళ్లను మార్కెట్లోకి విడుదల చేశామన్నారు. వారాహి సైకిళ్లకు నెల్లూరు నగరంలో విపరీతమైన డిమాండ్ ఉందని.. రోజూ వందల సంఖ్యలో ఆర్డర్లు వస్తున్నాయని తెలిపారు. డిమాండ్‌కు తగినట్లుగా తాము సరఫరా చేయలేని పరిస్థితి నెలకొని ఉందని.. ఈ విషయంలో చాలా ఒత్తిడికి గురవుతున్నామని మాధవ్ చెబుతున్నారు. జనసేన పార్టీకి తనవంతు ఏదైనా చేయాలన్న సంకల్పంతోనే ‘వారాహి’ సైకిళ్లను ప్లాన్ చేశామని.. అంతేతప్ప పార్టీలో పదవులు ఆశించి కాదని ఆయన స్పష్టం చేస్తున్నారు.
- Read Latest Andhra Pradesh News and Telugu News