TDP: తెలుగుదేశం పార్టీలో చేరిన కోటంరెడ్డి

TDP: నెల్లూరు రూరల్‌ నియోజకవర్గ ఎమ్మెల్యే కోటంరెడ్డి శ్రీధర్‌రెడ్డి సోదరుడు గిరిధర్‌రెడ్డి.. తెలుగుదేశం పార్టీలో చేరారు. చంద్రబాబు ఆయనకు కండువా కప్పి పార్టీలోకి ఆహ్వానించారు. ఈ సందర్భంగా చంద్రబాబు మాట్లాడుతూ.. ప్రజల్లో నిరంతరం ఉంటూ సమాజానికి సేవ చేయాలనే తపన ఉండే వ్యక్తి గిరిధర్‌రెడ్డి అని కొనియాడారు. వైసీపీ సేవా దళ అధ్యక్షుడే రాజీనామా చేశాడంటే.. ఆ పార్టీ నేతలు ఆత్మవిమర్శ చేసుకోవాలని Chandrababu Naidu వ్యాఖ్యానించారు. ఎమ్మెల్యే కోటా ఎమ్మెల్సీ ఎన్నికల్లో పార్టీ విజయం సాధించడంపై చంద్రబాబు హర్షం వ్యక్తం చేశారు. ఈ గెలుపు గాలి మాత్రమేనని.. రాబోయే ఎన్నికల్లో సునామీ వస్తుందని బాబు స్పష్టం చేశారు. ఈ సునామీలో వైసీపీ నేతలు అడ్రస్‌ లేకుండా కొట్టుకొనిపోవడం ఖాయమని వ్యాఖ్యానించారు.

'టీడీపీ కుటుంబంలో నన్ను భాగస్వామిని చేసిన చంద్రబాబుకు నా హృదయపూర్వక కృతజ్ఞతలు. రాష్ట్రానికి చంద్రబాబు నాయకత్వం చాలా అవసరం. అందరి సలహాలు, సూచనలు తీసుకున్నాకే టీడీపీలో చేరాను. వచ్చే ఎన్నికల్లో నెల్లూరు జిల్లాలోని 10 అసెంబ్లీ స్థానాల్లో తెలుగుదేశం పార్టీ గెలుస్తుంది. మాతోపాటు మమ్మల్ని నమ్ముకొని ఈ పార్టీలోకి వచ్చిన వారందరికీ ధన్యవాదాలు' అని కోటంరెడ్డి గిరిధర్ రెడ్డి (Kotam Reddy Giridhar Reddy) వ్యాఖ్యానించారు.

• Read Latest Andhra Pradesh News and Telugu News