ఆంధ్రప్రదేశ్‌లో అధికార వైసీపీ నేతల వ్యాఖ్యలు కలకలం రేపుతున్నాయి. ప్రత్యర్థులపై కాకుండా సొంత పార్టీ నేతలపైనే వారు చేస్తున్న ఆరోపణలతో రాజకీయం మరింత వేడెక్కుతోంది. ‘శత్రువులు ఎక్కడో ఉండరురా.. మారువేషాల్లో మనింట్లోనే తిరుగుతుంటారు’ అని రావు రమేష్‌ ఓ సినిమాలో చెప్పిన విధంగా సొంత పార్టీకి చెందిన నేతలే తమను బద్నాం చేస్తున్నారంటూ ఎమ్మెల్యేలు వాపోతున్నారు. నిన్న మాజీమంత్రి బాలినేని శ్రీనివాస్ తనపై సొంతపార్టీ నేతలు కుట్రలు చేస్తున్నారని ఆరోపించగా.. ఆయన బాటలోనే నెల్లూరు రూరల్ ఎమ్మెల్యే కోటంరెడ్డి శ్రీధర్‌రెడ్డి సంచలన ఆరోపణలు చేశారు.
మంగళవారం మీడియాతో మాట్లాడిన కోటంరెడ్డి.. తన పని తాను చేసుకుంటూ ఇతరుల వ్యవహారాల్లో వేలు పెట్టని బాలినేని శ్రీనివాస్‌పై ప్రతిపక్షాలు చేస్తున్న ఆరోపణలు విచారకరమని పేర్కొన్నారు. మరోవైపు సొంతపార్టీ నేతలు తనకు ద్రోహం చేస్తున్నారంటూ ఆయన బాధపడటం చూస్తే తనకు జాలేసిందన్నారు. బాలినేనిలాగే తనపైనా సొంత పార్టీలో కుట్రలు జరుగుతున్నాయని ఆరోపించారు. వైసీపీలోని కొందరు నేతలకి, ఎమ్మెల్యేలకు ఇతరుల నియోజకవర్గాల్లో జోక్యం ఎక్కువైందన్నారు. పార్టీని ఎలా ముందుకు తీసుకెళ్లాలో, వచ్చే ఎన్నికల్లో ఎలా గెలవాలో ఆలోచించుకోకుండా ఇతరుల నియోజకవర్గాల్లో వేలు పెడుతున్నారని ఆగ్రహం వ్యక్తం చేశారు. తరుచూ పార్టీలు మారే నేతలు ఇలాంటి కుట్రలకు తెరలేపుతున్నారని కోటంరెడ్డి ఆరోపించారు. ఆయన వ్యాఖ్యలు అధికార పార్టీలో కలకలం రేపుతున్నాయి.
మంగళవారం మీడియాతో మాట్లాడిన కోటంరెడ్డి.. తన పని తాను చేసుకుంటూ ఇతరుల వ్యవహారాల్లో వేలు పెట్టని బాలినేని శ్రీనివాస్‌పై ప్రతిపక్షాలు చేస్తున్న ఆరోపణలు విచారకరమని పేర్కొన్నారు. మరోవైపు సొంతపార్టీ నేతలు తనకు ద్రోహం చేస్తున్నారంటూ ఆయన బాధపడటం చూస్తే తనకు జాలేసిందన్నారు. బాలినేనిలాగే తనపైనా సొంత పార్టీలో కుట్రలు జరుగుతున్నాయని ఆరోపించారు. వైసీపీలోని కొందరు నేతలకి, ఎమ్మెల్యేలకు ఇతరుల నియోజకవర్గాల్లో జోక్యం ఎక్కువైందన్నారు. పార్టీని ఎలా ముందుకు తీసుకెళ్లాలో, వచ్చే ఎన్నికల్లో ఎలా గెలవాలో ఆలోచించుకోకుండా ఇతరుల నియోజకవర్గాల్లో వేలు పెడుతున్నారని ఆగ్రహం వ్యక్తం చేశారు. తరుచూ పార్టీలు మారే నేతలు ఇలాంటి కుట్రలకు తెరలేపుతున్నారని కోటంరెడ్డి ఆరోపించారు. ఆయన వ్యాఖ్యలు అధికార పార్టీలో కలకలం రేపుతున్నాయి.