నెల్లూరులో ప్రేమజంట విషాదం.. ప్రియురాలి మృతి

నెల్లూరు జిల్లాలో విషాద ఘటన చోటుచేసుకుంది. ప్రేమజంట ఉరి వేసుకుని ఆత్మహత్యాయత్నం చేసింది. గూడూరు పట్టణానికి చెందిన తేజస్విని, వెంకటేష్ కొద్దికాలంగా ప్రేమించుకుంటున్నారు. వారి ప్రేమను పెద్దలు అంగీకరించకపోవడంతో చనిపోవాలని నిర్ణయించుకున్నారు. గూడూరు టూటౌన్ అర్బన్ హెల్త్ సెంటర్‌ సమీపంలోని ప్రియురాలి ఇంట్లో ఇద్దరూ ఉరి వేసుకున్నారు. గమనించిన స్థానికులు ఆస్పత్రికి తరలించగా అప్పటికే తేజస్విని చనిపోయినట్లు వైద్యులు తెలిపారు. ప్రియుడు వెంకటేష్ పరిస్థితి విషమంగా ఉన్నట్లు తెలుస్తోంది. పెద్దలు నిరాకరించడమే కారణమా? లేక మరేమైనా కారణాలు ఉన్నాయా? అనే విషయం తేలాల్సి ఉంది. పోలీసులు కేసు నమోదు చేసి దర్యాప్తు చేస్తున్నారు.

Also Read: