నెల్లూరు: ఏటీఎంలో డ్రా చేయకుండానే డబ్బులు.. అవాక్కైన యువకుడు, ఏమైందంటే

నెల్లూరు జిల్లాలో విచిత్రమైన ఘటన జరిగింది. ఏటీఎంలో నగదు తీసుకోవడానికి వెళ్లిన యువకుడు డ్రా చేయకుండానే రూ.10 వేలు వచ్చాయి. పొదలకూరు మండలం లింగంపల్లికి చెందిన గార్ల వెంకటేశ్వర్లు డబ్బు డ్రా చేసేందుకుమెయిన్‌రోడ్డులో ఉన్న ఎస్‌బీఐ ఏటీఎంకు వెళ్లాడు. ఏటీఎం కార్డును బయటకు తీసి ఉపయోగించే క్రమంలో రూ.10వేలు బయటకు వచ్చాయి. డబ్బులు అలాయ బయటకు రావడంతో యువకుడు షాకయ్యాడు.. ఏం జరిగిందో అతడికి అర్ధంకాలేదు.వెంకటేశ్వర్లు ఆ డబ్బును తీసుకుని పక్కనే ఉన్న బాబుతో కలిసి బ్యాంకు మేనేజరు నగేష్‌ను కలిశారు. రూ.10వేలను తిరిగి అందజేశారు. వెంకటేశ్వర్లుని బ్యాంకు మేనేజరు అభినందించారు. తాము నవజ్యోతి యువజన సంఘం తరఫున సేవా కార్యక్రమాలు చేస్తున్నట్లు వెంకటేశ్వర్లు తెలిపారు. ఆ డబ్బు ఎలా బయటకు వచ్చాయోనని బ్యాంకు అధికారులు ఆరా తీస్తున్నారు. పొరపాటు ఎక్కడ జరిగిందో పరిశీలిస్తున్నారు. డబ్బులు డ్రా చేసే క్రమంలో బయటకు వచ్చాయా.. మరేదైనా కారణం ఉందా అన్నది తెలియాల్సి ఉంది.