నెల్లూరు: శేషాద్రి ఎక్స్‌ప్రెస్‌ రైలుకు తప్పిన ప్రమాదం

నెల్లూరు జిల్లాలో శేషాద్రి ఎక్స్‌ప్రెస్‌ రైలుకు పెద్ద ప్రమాదం తప్పింది. బిట్రగుంట రైల్వే స్టేషన్‌ దగ్గర ఏసీ కోచ్‌కు ‘హాట్‌ యాక్సిల్‌’ అయ్యింది.. ఆ వెంటనే రైల్వే సిబ్బంది ఈ విషయాన్ని గుర్తించారు. అధికారుల పర్యవేక్షణలో రైల్వే సిబ్బంది ఆ బోగీని తొలగించారు. ఈ ఘటన తెల్లవారుజామున సుమారు 3 గంటల సమయంలో బిట్రగుంట స్టేషన్‌ దగ్గర జరిగింది. శేషాద్రి ఎక్స్‌ప్రెస్‌ నుంచి ఆ బోగీని తొలిగించిన తర్వాత.. తిరిగి ఉదయం 4 గంటల తర్వాత రైలు బెంగళూరుకు బయల్దేరింది. ఆ ఏసీ బోగీలోని కొందరు ప్రయాణికులను పద్మావతి ఎక్స్‌ప్రెస్‌లో సర్దుబాటు చేసినట్లు రైల్వే అధికారులు తెలిపారు. రైల్వే సిబ్బంది వెంటనే గమనించడంతో పెద్ద ప్రమాదం తప్పింది. ఈ ఘటనకు సంబంధించిన పూర్తి వివరాలు తెలియాల్సి ఉంది.

• Read Latest Andhra Pradesh News and Telugu News