తబలా అంటే ప్రాణం.. వాయిస్తూనే గుండెపోటుతో కుప్పకూలిన ఆర్టిస్టు

చిన్ననాటి నుంచి తబలాతో బంధం పెనవేసుకున్న ఓ కళాకారుడు చివరికి ఆ తబలాపైనే తలవాల్చి తుది శ్వాస విడిచాడు. తబలా వాయిస్తూ గుండెపోటుకు గురై ప్రాణాలు విడిచాడు. శ్రీ పొట్టి శ్రీరాములు నెల్లూరు జిల్లా బోగోలు మండలంలో ఈ విషాదం చోటు చేసుకుంది. విశ్వనాథరావుపేటకు చెందిన లంకా చినబాబుకు చిన్నతనం నుంచే వాయిద్య పరికరాలంటే అమితమైన ఆసక్తి. ఆ ఆసక్తితోనే తబలా నేర్చుకున్నారు. అందులో విశేష నైపుణ్యం సాధించారు. పలు సినిమా పాటలకు కూడా తబలా వాయించారు. ఎస్పీ బాలసుబ్రమణ్యం, జేసుదాసు, రామకృష్ణ, మనో, పి.సుశీల, ఎస్‌ జానకి ఆలపించిన పాటలకు సంగీతం అందించిన బృందంలో చినబాబు సభ్యుడిగా ఉన్నారు.

ఏళ్లుగా తబలా కళాకారుడిగా సేవలు అందిస్తూ అందరి మన్ననలూ, అనేక అవార్డులు అందుకున్న లంకా చినబాబు.. చివరికి విషాదకర రీతిలో మరణించారు. ఆదివారం (నవంబర్ 27) ఉదయం అదే తబలా వాయిస్తూ కన్నుమూశారు. చర్చిలో పాటలకు తబలా వాయిస్తుండగా.. గుండెపోటుకు గురై అక్కడికక్కడే కుప్పకూలి కన్నుమూశారు.


చినబాబు మృతి పట్ల స్థానికులు దిగ్భ్రాంతి వ్యక్తం చేశారు. సోమవారం ఉదయం ఆయన స్వగ్రామంలో హిందూ సంప్రదాయం ప్రకారం అంత్యక్రియలను పూర్తి చేశారు.

దళితుడికి మర్యాద ఇదే, కాళ్లు మొక్కిన దొర బిడ్డ.. ఎమ్మెల్యే రాజయ్య కన్నీటిపర్యంతం
Read Latest AP News and Telugu News