Atmakur Bypoll Results 2022 Live Updates: ఆత్మకూరులో దూసుకుపోతున్న వైసీపీ.. బీజేపీకి డిపాజిట్ గల్లంతు

నెల్లూరు జిల్లాలో ఆత్మకూరు ఉపఎన్నిక ఓట్ల లెక్కింపు కొనసాగుతోంది. ఆంధ్రా ఇంజినీరింగ్ కాలేజీలో ఉదయం 8 గంటలకు ఓట్ల లెక్కింపు ప్రారంభమైంది. ఇందుకోసం 14 టేబుళ్లు ఏర్పాటు చేయగా.. మొత్తం 20 రౌండ్లలో ఫలితం తేలనుంది. నియోజకవర్గంలో మొత్తం ఓట్లు 2,13,338 ఉండగా.. 1,37,081 ఓట్లు పోలయ్యాయి. మంత్రి మేకపాటి గౌతమ్‌రెడ్డి హఠాన్మరణంతో ఉప ఎన్నిక అనివార్యమైంది. జూన్‌ 23వ తేదీన ఉప ఎన్నికల పోలింగ్‌ జరిగింది. వైసీపీ నుంచి గౌతమ్‌రెడ్డి సోదరుడు విక్రమ్ రెడ్డి బరిలో ఉండగా.. బీజేపీ తరఫున జి.భరత్‌కుమార్‌ యాదవ్‌ సహా మరో 12 మంది అభ్యర్థులు పోటీ చేశారు. ఓట్ల లెక్కింపు ప్రక్రియను ఎన్నికల పరిశీలకులు సురేశ్‌కుమార్, రిటర్నింగ్ అధికారి హరేంధిర పరిశీలిస్తున్నారు.

నంద్యాలలో విషాదం.. పెళ్లయిన కొద్ది గంటల్లోనే వరుడు మృతి
తొలిరౌండ్‌లోనే వైసీపీ అభ్యర్థి మేకపాటి విక్రమ్‌ రెడ్డికి 5,337వేల ఓట్ల మెజార్టీ లభించింది. మేకపాటి విక్రమ్‌రెడ్డికి 6 వేలకు పైగా ఓట్లు రాగా, బీజేపీ అభ్యర్థి భరత్‌ కుమార్‌కు 700 పైచిలుకు ఓట్లు వచ్చాయి. 13 రౌండ్లు పూర్తయ్యేసరికి విక్రమ్ రెడ్డి 54.448 ఓట్ల మెజార్టీలో కొనసాగుతున్నారు. విక్రమ్‌ రెడ్డికి 66,650 ఓట్లు కాగా... బీజేపీ అభ్యర్థి భరత్‌‌కుమార్ 12,202 ఓట్లు వచ్చాయి. పోస్టల్ బ్యాలెట్‌లోనూ వైసీపీకి భారీ ఆధిక్యం దక్కింది. మొత్తం 205 పోస్టల్ బ్యాలెట్‌ ఓట్లు పోలవ్వగా... వైసీపీకి 167 వచ్చాయి.