నీటి గుంటలో పడిన తమ పిల్లలను రక్షించి ఇద్దరు తల్లులు దుర్మరణం పాలయ్యారు. హృదయ విదారకరమైన ఈ ఘటన నెల్లూరు నగరంలోని భగత్‌సింగ్‌ కాలనీలో బుధవారం (మే 31) చోటు చేసుకుంది. స్థానికులు తెలిపిన వివరాల ప్రకారం.. పెన్నానది రివిట్‌మెంట్‌ వాల్‌ నిర్మాణం కోసం జేసీబీతో గుంతలు తవ్వి వదిలేశారు. ఇటీవల కురిసిన వర్షాలతో ఆ గుంతల్లో నీరు చేరాయి. బుధవారం సాయంత్రం ఆడుకుంటూ అటుగా వెళ్లిన ఇద్దరు చిన్నారులు ప్రమాదవశాత్తూ ఓ గుంతలో పడిపోయారు. అది గమనించిన ఆ ఇద్దరు చిన్నారుల తల్లులు షాహినా, షబీనా వెంటనే గుంత వద్దకు పరుగెత్తుకొచ్చి అందులో దూకారు. చిన్నారులను బయటకుతీసి కాపాడారు కానీ, వారిద్దరూ పైకి రాలేకపోయారు. ఆ సమయంలో వారికి సాయం చేసేందుకు కూడా అటుగా ఎవరూ రాలేదు. దీంతో బురదలో చిక్కుకుపోయి గుంతలోనే ప్రాణాలు విడిచారు.
పిల్లలను కాపాడి తల్లులు మృతి.. నెల్లూరులో విషాదం
Mothers died saving Children: ఇద్దరు పిల్లలను కాపాడి తల్లులు మృతి చెందారు. నెల్లూరు నగరంలో ఈ విషాద ఘటన చోటు చేసుకుంది. ఇంటి ముందు ఆడుకుంటూ ఇద్దరు చిన్నారులు నీటి గుంటలో పడిపోయారు. వారిని రక్షించేందుకు ఇద్దరు తల్లులు నీటి గుంటలోకి దూకారు. పిల్లలను కాపాడారు. ఆ తర్వాత బయటకి రాలేకపోయారు. బురదలో కూరుకుపోయి, నీటిలో మునిగిపోయి దుర్మరణం పాలయ్యారు. కాంట్రాక్టర్ నిర్లక్ష్యం వల్లే ఈ విషాదం జరిగిందంటూ స్థానికులు ఆందోళనకు దిగారు.
ప్రధానాంశాలు:
- ఆడుకుంటూ నీటి గుంటలో పడిపోయిన చిన్నారులు.
- వెంటనే గుంతలోకి దూకి పిల్లలను కాపాడిన తల్లులు.
- ఆ తర్వాత పైకొచ్చే మార్గం లేక, సాయం చేసేవాళ్లు లేక.. విషాదం!
