నెల్లూరు: రోడ్డుపై ఊడిన ఆర్టీసీ బస్సు చక్రం

నెల్లూరులో ఆర్టీసీ బస్సు (Nellore Apsrtc Bus) చక్రం ఊడి పడింది. నెల్లూరు నుంచి కాకుటూరు వైపు వెళుతుండగా కేవీఆర్‌ పెట్రోల్‌ బంకు సమీపంలో ఈ ఘటన జరిగింది. వెంటనే ఆర్టీసీ మెకానికల్‌ సిబ్బంది చక్రాన్ని తిరిగి అమర్చి బస్సును అక్కడి నుంచి తీసుకెళ్లారు. బస్సు చక్రం రోడ్డుపై ఊడిపోవడంతో కొద్దిసేపు ట్రాఫిక్‌కు అంతరాయం ఏర్పడింది. చక్రం ఊడిన సమయంలో అక్కడ ఎవరూ లేకపోవడంతో పెద్ద ప్రమాదం తప్పింది. నెల్లూరు నుంచి కాకుటూరు గ్యారేజీకి బస్సును తరలిస్తున్న సమయంలో చక్రం ఊడిపోయిందని ఆర్టీసీ అధికారులు తెలిపారు. వెంటనే రిపేర్ చేయించామని తెలిపారు. ఈ బస్సు కేవలం స్క్రాప్‌ వాహనం మాత్రమే అన్నారు.. చక్రం బోల్టు ఊడిపోవడంతో ఈ ఘటన జరిగిందన్నారు. డిపో పరిధిలో ఇలాంటి బస్సులు ఐదు ఉన్నాయని.. మిగతా వాహనాలను కూడా ఒకటి, రెండు రోజుల్లో కాకుటూరుకు పంపుతామన్నారు.

• Read Latest Andhra Pradesh News and Telugu News