బ్లడ్ కేన్సర్‌తో పసివాడి పోరాటం.. సాయం కోసం తల్లిదండ్రుల ఎదురుచూపు

పై ఫొటోలో కనిపిస్తోన్న 13 ఏళ్ల అబ్బాయి పేరు గోకర్ల సాయి మనోహర్. ఇతడిది శ్రీకాకుళం జిల్లాలోని పలాస. ఆర్థికంగా కలిగిన కుటుంబమేమీ కాకపోయినప్పటికీ.. ఉన్నంతలో ఏ లోటు లేకుండా పెంచుతున్నారు. చదువుల్లోనూ ఆటల్లోనూ చురుగ్గా ఉండే మనోహర్.. కొద్ది రోజుల క్రితం అనారోగ్యం బారినపడ్డాడు. స్థానికంగా చికిత్స అందించారు. కానీ మెడ చుట్టూ గడ్డల్లా రావడంతో అనుమానం వచ్చి వైజాగ్ తీసుకెళ్లారు. అక్కడి డాక్టర్లు బ్లడ్ కేన్సర్ కావొచ్చనే అనుమానం వ్యక్తం చేశారు.

ఎంతో ఆరోగ్యంగా, ఉత్సాహంగా ఉండే తమ కుమారుడికి కేన్సర్ రావడమేంటని మనోహర్ తల్లిదండ్రులు భావించారు. చేతిలో ఉన్న కొద్దిపాటి సొమ్ముతో హైదరాబాద్‌లోని బసవతారకం హాస్పిటల్‌లో చేర్పించారు. కానీ అప్పటికే అతడి ఆరోగ్యం క్షీణించింది. శ్వాస తీసుకోవడానికి కూడా తీవ్ర ఇబ్బందులు ఎదుర్కొన్నాడు. దీంతో ఐసీయూలో ఉంచి అతడికి చికిత్స అందించారు. డాక్టర్లు శక్తిమేర కృషి చేయడంతో సాయి మనోహర్ కొద్దిగా కోలుకున్నాడు. ఐసీయూలో ఉంచి చికిత్స అందించడం కోసం రోజుకు సుమారు రూ. 75 వేల వరకు ఖర్చు చేయాల్సి వచ్చింది. మనోహర్ కాస్త కోలుకునే సరికే వారికి రూ. 6 లక్షలు ఖర్చయ్యాయి.

13 ఏళ్ల మనోహర్‌కు ప్రస్తుతం కీమోథెరపీ చేస్తున్నారు. ఎంతో శ్రద్ధతో చికిత్స అందిస్తోన్న డాక్టర్లు.. నెల రోజులపాటు అతణ్ని నిరంతరం అబ్జర్వేషన్లో ఉంచాలని చెప్పారు. కీమోథెరపీ అందించాక.. ఆరు నెలలపాటు ఇంజెక్షన్లు ఇవ్వాలని.. మరో రెండేళ్లపాటు తప్పనిసరిగా మందులు వాడాలని చెప్పారు. వీటికి మరో రూ. 6 లక్షలకుపైగా ఖర్చవుతుంది.

ఆర్థిక పరిస్థితి అంతంత మాత్రం కావడంతో.. మనోహర్ తల్లిదండ్రులు ఇప్పటికే తమ దగ్గరున్న డబ్బుతోపాటు, బంధుమిత్రులు సాయంగా చేసిన మొత్తం కలిపి చికిత్స కోసం ఖర్చు చేశారు. మరో రూ. 6 లక్షలు ఖర్చు చేయాలంటే ఆర్థిక స్థోమత లేకపోవడంతో దాతల కోసం ఎదురు చూస్తున్నారు.

ఎలాగైనా తమ కొడుకును కాపాడుకోవాలనే ఉద్దేశంతో.. ‘మిలాప్’ ద్వారా నిధులు సేకరించే ప్రయత్నం ప్రారంభించారు. బ్లడ్ కేన్సర్‌తో పోరాటంలో ఈ పిల్లాడిని గెలిపించడం కోసం మన వంతుగా సాయం చేద్దాం. మీరు సాయం చేసేది వంద రూపాయలే కావచ్చు.. కానీ ఆ చిన్నారి ప్రాణాలను కాపాడటం కోసం అదెంతో సహకరిస్తుంది. ‘సమయం’ తరఫున మా వంతుగా తోచిన సాయం చేస్తున్నాం. 13 ఏళ్ల ఈ చిన్నారి నిండు నూరేళ్లు జీవించడానికి మీ వంతుగా తోచిన మొత్తం సాయం చేయండి. మీ చిరు సాయమే ఈ చిన్నారిని చిరంజీవిని చేస్తుందనే విషయం మరవొద్దు. సాయం చేయడానికి undefined. లేదా 8885551696 నంబర్‌కు గూగుల్ పే చేయండి.

బ్యాంక్ ఖాతా నుంచి నగదు ట్రాన్స్‌ఫర్ చేయడం కోసం..
Virtual account name: Sujatha Gokarla - Milaap
Account number: 80808110107237
IFSC code: YESB0CMSNOC

Virtual account name: Sujatha Gokarla - Milaap
Account number: 80808110107237
IFSC code: YESB0CMSNOC