విశాఖలో 14 అడుగుల గిరి నాగు.. చూస్తే దిమ్మ తిరగాల్సిందే

విశాఖ జిల్లాలో 14 అడుగుల గిరి నాగు పాము కలకలంరేపింది. చీడికాడ మండలం తంగుడుబిల్లి పొలాల్లో గిరి నాగును స్థానిక రైతులు గుర్తించారు. పామును చూసి షాక్ తిన్న రైతులు వెంటనే అటవీ అధికారి ఎం.రమేష్‌కుమార్‌కి సమాచారం ఇచ్చారు. ఆయన విశాఖలోని వన్యప్రాణి సంరక్షణ సమితి అధికారి మూర్తికి తెలిపారు. ఆయన వెంటనే అక్కడికి చేరుకుని పొదల్లో ఉన్న గిరి నాగును చాచక్యంగా పట్టుకుని చెరుకుపల్లి అటవీ ప్రాంతంలో వదిలిపెట్టారు. గిరి నాగు పాము దాదాపు 14 అడుగులకు పైగా పొడవు ఉంది.

అటవీ ప్రాంతం నుంచి గిరి నాగుపాము తప్పించుకుని పొలాల్లోకి వచ్చి ఉంటుందని రైతులు చెబుతున్నారు. ఈ అరుదైన పాము పొలాల్లోకి వచ్చిందని తెలియడంతో స్థానికులు దానిన చూసేందుకు అక్కడికి వచ్చారు. విశాఖ మాత్రమే కాదు గతంలో అటవీ ప్రాంతం నుంచి తప్పించుకుని పాములు జనావాసాల్లోకి వచ్చిన సందర్భాలు ఉన్నాయి.

Please Vote: పోల్: జగన్ ఏడాది పాలన ఎలా ఉంది?