విశాఖ: కలుషిత ఆహారం తిని 70 మంది అస్వస్థత

విశాఖ మన్యంలో కలుషిత ఆహారం తిని 70 మంది అస్వస్థతకు గురయ్యారు. మాడుగుల మండలం గడుతురు పంచాయతీ పరిధిలోని మలకపాలెంలో స్థానికులు విషాహారం తిన్నారు. వెంటనే వీరంతా అస్వస్థతకు గురయ్యారు. వెంటనే వారందర్ని పాడేరు జిల్లా ఆస్పత్రికి తరలించారు. వీరిలో ఐదుగురి పరిస్థితి విషమంగా ఉందని డాక్టర్లు చెబుతున్నారు. అయితే చనిపోయిన ఆవు మాంసం తినడం వల్లే అనారోగ్యం పాలయ్యారని డాక్టర్లు చెబుతున్నారు. ఒక్కసారిగా ఇంతమంది అస్వస్థతకు గురికావడం కలకలంరేపింది. విషయం తెలిసిన ఎమ్మెల్యే భాగ్యలక్ష్మి బాధితులకు మెరుగైన వైద్యం అందించాలని ఆదేశించారు.

మన్యంలో గతంలో కూడా ఇలాంటి ఘటనలు జరిగాయి. విషాహారం తినడంతో గిరిజనులు కొంతమంది అస్వస్థతకు గురయ్యారు. తరచూ ఇలాంటి ఘటనలు జరుగుతుండటంతో.. ఆహారం విషయంలో గిరిజనులు జాగ్రత్తలు తీసుకోవాలని అధికారులు సూచిస్తున్నారు.