Jana Sena అభ్యర్థిగా 70 ఏళ్ల వృద్ధురాలు.. పక్కనే ‘బన్నీ’ నిర్మాత

రాష్ట్రంలో స్థానిక సంస్థల ఎన్నికల కోలాహలం మొదలైంది. వివిధ పార్టీల నాయకులు ఎక్కడికక్కడ నామినేషన్లు దాఖలు చేస్తున్నారు. సరికొత్త రాజకీయ పంథా అంటూ ప్రముఖ సినీ నటుడు పవన్ కళ్యాణ్ స్థాపించిన జనసేన పార్టీ మొదటి సారి స్థానిక సంస్థల ఎన్నికల బరిలో నిలిచింది. ఇందులో భాగంగా జనసేన నాయకులు నామినేషన్లు వేస్తున్నారు. అయితే బుధవారం జనసేన తరఫున దాఖలైన ఓ నామినేషన్ హైలెట్‌గా నిలిచింది.

పశ్చిమ గోదావరి జిల్లా లంకల కోడేరు ఎంపీటీసీ స్థానానికి జనసేన అభ్యర్థిగా శ్రీమతి నల్లమోతు భారతి అనే 70 ఏళ్ల వృద్ధురాలు నామినేషన్ వేశారు. జనసేన పార్టీ విధానాలకు ఆకర్షితురాలై ఆమె బరిలో నిలిచినట్లు జనసేన పార్టీ ట్వీట్ చేసింది. నామినేషన్ దాఖలు చేసిన రాజకీయ వ్యవహారాల కమిటీ చైర్మన్ నాదెండ్ల మనోహర్ ఆమెను అభినందించారు. వీరి పక్కనే ప్రముఖ నిర్మాత అల్లు అరవింద్ సన్నిహతుడు, నిర్మాత ‘బన్నీ’ వాసు కూడా ఉన్నారు.