ఏపీలో పింఛను, ప్రభుత్వ పథకాలకు దరఖాస్తు చేసుకుంటున్నారా.. ఆ డాక్యుమెంట్ తప్పనిసరి

ఏపీలో పింఛన్‌కు దరఖాస్తు చేసుకునేవారికి అలర్ట్. కొత్తగా పింఛన్ల కోసం దరఖాస్తుదారు ఆధార్‌ కార్డులో వయసుకు సంబంధించి జరిగిన మార్పులు, చేర్పుల వివరాలను తప్పనిసరిగా పరిశీలించాలని ప్రభుత్వం నిర్ణయించింది. కొందరు ఆధార్‌ కార్డులో తమ వయసును మార్చుకుని పింఛన్ల కోసం దరఖాస్తు చేసుకుంటున్నట్లు ఫిర్యాదులు వచ్చాయి. వెంటనే స్పందించిన అధికారులు.. అనర్హులు లబ్ధిపొందకుండా చూసేందుకు కొత్త నిబంధన తీసుకొచ్చారు. కొత్త నిబంధన ప్రకారం పింఛనుకు దరఖాస్తుచేసుకునేవారు తమ ఆధార్‌ కార్డు అప్‌డేట్‌ హిస్టరీ ప్రింట్‌ అవుట్‌ కూడా సమర్పించాలి.

Read Also: ప్రధాని మోదీకి ఏపీ ముఖ్యమంత్రి జగన్ ఏడు పేజీల లేఖ

మార్పులు, చేర్పులు జరిగి ఉంటే.. ఆధార్‌ కార్డులో తక్కువ వయసును పరిగణనలోకి తీసుకుంటారు. దరఖాస్తు దారు వయసు అర్హత నిబంధనల ప్రకారం ఉంటేనే ఆ దరఖాస్తును పరిశీలనకు పంపుతారు.. లేకపోతే సచివాలయాల్లో డిజిటల్‌ అసిస్టెంట్‌ స్థాయిలోనే తిరస్కరిస్తారు. దరఖాస్తుదారుకి ఆధార్‌ కార్డు మంజూరు సమయంలో వయసు తప్పుగా నమోదై, తిరస్కరణకు గురైతే అపీల్ చేసుకోవడానికి ప్రభుత్వం ఛాన్స్ ఇచ్చింది. అలాంటి దరఖాస్తుదారు వయసు ధ్రువీకరణ పత్రాలతో గ్రామ, వార్డు సచివాలయంలో అపీల్ చేసుకోవాల్సి ఉంటుంది. ఈ అపీల్‌ను ఎంపీడీవోలు, మున్సిపల్‌ కమిషనర్లు స్వయంగా పరిశీలించి, అర్హులైతే పింఛను మంజూరుకు డీఆర్‌డీఏ పీడీలకు సిఫార్స్ చేస్తారు.

Also Read: కాకినాడ: ప్రేమించి మొహం చాటేసిన ప్రియుడు.. ఊహించని ట్విస్ట్ ఇచ్చిన ప్రియురాలు

ఈ ఏదాడి జనవరి నుంచి ఇప్పటివరకు 12.42 లక్షలమందికి కొత్తగా పింఛన్లు మంజూరు చేసింది. ఆధార్‌లో వయసు వివరాల్లో మార్పులు, చేర్పులు చేసుకుని అర్హత లేకున్నా పింఛను పొందినవారిని గుర్తించేందుకు నవంబర్‌లో పరిశీలన చేస్తోంది. తక్కువ వయసు ఉండి, ఆధార్‌లో మార్చుకుని పింఛను పొందారని నిర్ధారణ అయితే వారి పింఛను తొలగిస్తామని అధికారులు అంటున్నారు.