ఏపీకి వర్ష సూచన, తీవ్రమైన చలి.. ఈ ప్రాంతాల ప్రజలకు అలర్ట్!

ఆంధ్రప్రదేశ్‌లో శీతాకాలం మొదలైపోయింది. ఓవైపు తీవ్రమైన చలితో ప్రజలు వణికిపోతుంటే.. మరోవైపు వర్ష సూచనలు ఆందోళన రేకెత్తిస్తున్నాయి. తాజాగా, అమరావతి వాతావరణ కేంద్రం మరో మంగళవారం హెచ్చరిక జారీ చేసింది. రానున్న మూడు రోజుల్లో రాష్ట్రంలోని పలు ప్రాంతాల్లో వర్షాలు కురిసే అవకాశం ఉందని ప్రకటించింది. మరికొన్ని చోట్ల తీవ్రమైన చలి ఉంటుందని తెలిపింది.

అమరావతి వాతావరణ కేంద్రం తెలిపిన వివరాల ప్రకారం.. ఆంధ్రప్రదేశ్, యానాంల్లో దిగువ ట్రోపోస్పిరిక్ స్థాయిల్లో ఈశాన్య, తూర్పు గాలులు వీస్తున్నాయి. దీని కారణంగా ఆయా ప్రాంతాల్లో తీవ్రమైన చలి ఉంటుంది. మరొకొన్ని చోట్ల వర్షాలు కురుస్తాయి.

3 రోజులకు సంబంధించి ఏపీలో వాతావరణ వివరాలు..
ఉత్తర కోస్తాంధ్రలో మంగళవారం, బుధ, గురువారాల్లో పొడి వాతావరణం ఉంటుంది. ఇక దక్షిణ కోస్తాంధ్రాలో మంగళ, బుధవారాల్లో పొడి వాతావరణం ఉంటుంది. గురువారరం తేలిక పాటి నుంచి ఓ మోస్తరు వర్షాలు లేదా ఒకట్రెండు చోట్ల ఉరుములతో కూడిన జల్లులు కురిసే అవకాశం ఉంది. ముఖ్యంగా ఏజెన్సీ ప్రాంతాల్లో తీవ్రమైన చలిగాలులు వీస్తాయని, ప్రజలు జాగ్రత్తగా ఉండాలని వాతావరణ శాఖ అధికారులు సూచించారు.

రాయలసీమ..ఇక, రాయలసీమ ప్రాంతంలో మంగళ, బుధవారం పొడి వాతావరణం ఉంటుంది. గురువారం తేలికపాటి నుంచి ఓ మోస్తరు వర్షాలు లేదా ఒకట్రెండు చోట్ల ఉరుములతో కూడిన జల్లులు కురిసే అవకాశముంది.