Andhra Pradesh: ఈనెల 17న ఏపీ బడ్జెట్.. ఆ వర్గాలపై వరాల జల్లు!

Andhra Pradesh: ఈ నెల 14 నుంచి ఆంధ్రప్రదేశ్ అసెంబ్లీ సమావేశాలు ప్రారంభం కానున్నాయి. 17న జగన్ ప్రభుత్వం బడ్జెట్ ప్రవేశపెట్టనుంది. 2 లక్షల 60 వేల కోట్లకు పైగా బడ్జెట్ ఉండే అవకాశం ఉంది. సంక్షేమంతో పాటు వ్యవసాయం, విద్యా, వైద్య రంగాలకు ప్రాధాన్యత ఇచ్చే విధంగా బడ్జెట్ (AP Budget) రూపొందిస్తున్నట్టు తెలుస్తోంది. 2024 ఎన్నికల ముందు ప్రవేశపెడుతున్న పూర్తి స్థాయి బడ్జెట్ ఇదే కావడంతో.. అందరి దృష్టి నిధుల కేటాయింపుపైనే ఉంది. మరోవైపు ఈ అసెంబ్లీ సమావేశాల్లో ముఖ్యమంత్రి వైఎస్ జగన్ మోహన్ రెడ్డి (YS Jagan Mohan Reddy) కీలక అంశాలపై ప్రకటన చేసే అవకాశం ఉంది. నాలుగేళ్ల పాలనలో మూడు రాజధానులు.. సంక్షేమం.. విశాఖ గ్లోబల్ సమిట్ వంటి ముఖ్యమైన జగన్ మాట్లాడే అవకాశం ఉంది. 14న గవర్నర్ ప్రసంగంతో సమావేశాలు ప్రారంభం అవుతాయి. ఆ తర్వాత బీఏసీలో ఎన్ని రోజులు నిర్వహించాలి అనే అంశంపై నిర్ణయం తీసుకోనున్నారు. ఈ నెల 27 వరకు అసెంబ్లీ సమావేశాలు నిర్వహించే ఆలోచనలో ప్రభుత్వం ఉన్నట్టు తెలుస్తోంది.

• Read Latest Andhra Pradesh News and Telugu News