ఈ నెల 15న ఏపీ కేబినెట్ భేటీ.. సీఎస్ కీలక ఆదేశాలు

ఆంధప్రదేశ్ కేబినెట్ సమావేశానికి ముహూర్తం ఫిక్స్ అయ్యింది. ఈ నెల 15న మంత్రి మండలి భేటీకానుంది. వెలగపూడి సచివాలయం ముఖ్యమంత్రి జగన్ అధ్యక్షతన బుధవారం జరిగే కేబినెట్‌ భేటీలో పథకాలు, పలు అభివృద్ధి కార్యక్రమాలు, కరోనా నియంత్రణా చర్యలపై చర్చించనున్నారు. ఈ నెల 13 సాయంత్రం 5 గంటల్లోపు ప్రతిపాదనలు సిద్ధం చేయాలని అధికారుల్ని సీఎస్ నీలం సాహ్ని ఆదేశించారు.

గత నెల 11న కూడా కేబినెట్ సమావేశం జరిగింది. ఈ భేటీలో ముఖ్యమైన నిర్ణయాలు తీసుకున్నారు. పలు పథకాలకు ఆమోదం తెలిపారు.. అలాగే గత ప్రభుత్వ హయాంలో జరిగిన అవినీతిపై చర్చించారు. మరోవైపు గత ప్రభుత్వ హయాంలోని అవకతవకలపై కేబినెట్ సబ్‌కమిటీ సీఎం జగన్‌కు నివేదిక అందజేయగా.. కేబినెట్‌లో చర్చించారు. ఫైబర్ నెట్, రంజాన్ తోఫా, చంద్రన్న కానుకలపై సీబీఐ విచారణ కోరాలని మంత్రివర్గ సమావేశంలో నిర్ణయించారు.