ఏపీ జెడ్పీ రిజర్వేషన్లు ఖరారు.. ఏ జిల్లాలో ఎవరంటే

స్థానిక సంస్థల ఎన్నికలకు సిద్ధమవుతోంది జగన్ సర్కార్. హైకోర్టు ఆదేశాలతో దూకుడు పెంచింది.. రిజర్వేషన్లపై ఫోకస్ పెట్టింది. జిల్లా పరిషత్ ఛైర్మన్ రిజర్వేషన్లకు సంబంధించి.. రాష్ట్ర పంచాయతీరాజ్‌, గ్రామీణాభివృద్ధి శాఖ కార్యదర్శి గెజిట్‌ నోటిఫికేషన్‌ విడుదల చేశారు. 13 జిల్లాల్లో జెడ్పీ రిజర్వేషన్లను ఖాయం చేశారు. జిల్లా కలెక్టర్లతో వీడియో కాన్ఫరెన్స్ కూడా నిర్వహించారు.

పంచాయతీరాజ్‌ ముఖ్యకార్యదర్శి గోపాలకృష్ణ ద్వివేదీ, పంచాయతీరాజ్‌ కమిషనర్‌ గిరిజా శంకర్‌ కలెక్టర్లతో.. ఎన్నికల నిర్వహణ, రిజర్వేషన్లతో పాటూ పలు కీలక అంశాలపై చర్చించారు. స్థానిక సంస్థల ఎన్నికల నిర్వహణ పై ఈనెల 7లోపు ఎన్నికల కమిషన్‌కు నివేదిక అందించాలని హైకోర్టు ప్రభుత్వాన్ని ఆదేశించింది. ఈనెల 8వ తేదీన స్థానిక సంస్థల షెడ్యూల్ అందించాలని ప్రభుత్వానికి సూచించింది.

ఇక జిల్లాల వారీగా రిజర్వేషన్లను ఓసారి పరిశీలిస్తే..
శ్రీకాకుళం జిల్లా-జనరల్
విజయనగరం జిల్లా-ఎస్సీ (మహిళ)
విశాఖపట్నం జిల్లా-బీసీ (మహిళ)
తూర్పు గోదావరి జిల్లా-జనరల్ (మహిళ)
పశ్చిమ గోదావరి జిల్లా-బీసీ (మహిళ)
కృష్ణా జిల్లా-బీసీ
గుంటూరు జిల్లా-జనరల్ (మహిళ)
ప్రకాశం జిల్లా- (జనరల్)
నెల్లూరు జిల్లా-ఎస్టీ
చిత్తూరు జిల్లా-బీసీ
అనంతపురం జిల్లా-ఎస్సీ
కడప జిల్లా-జనరల్
కర్నూలు జిల్లా-జనరల్