అసలు డబ్బులెలా ఇస్తారు.. వాలంటీర్ల వ్యవస్థపై ఏపీ హైకోర్టు ఆసక్తికర వ్యాఖ్యలు

ఆంధ్రప్రదేశ్‌లో వాలంటీర్ల వ్యవస్థపై హైకోర్టు కీలక వ్యాఖ్యలు చేసింది. వాలంటీర్‌ అంటే స్వచ్ఛందం.. డబ్బులెలా ఇస్తారు అని ప్రశ్నించింది. పింఛన్ సొమ్ముతో వాలంటీర్‌ పరారీ.. అలాగే శ్రీకాకుళంలో జరిగిన ఘటనలపై మీడియాలో వచ్చిన కథనాలను హైకోర్టు జడ్జి జస్టిస్ దేవానంద్‌ ప్రస్తావించారు. వాలంటీర్‌ తప్పు చేస్తే ఎవరు శిక్షిస్తారని కోర్టు ప్రశ్నించింది. లబ్ధిదారుడిని వాలంటీర్లు ఎంపిక చేయడమేంటని.. సచివాలయ సిబ్బంది ఏం చేస్తున్నారని ప్రశ్నించింది. ప్రభుత్వం అఫిడవిట్‌ దాఖలు చేయాలని కోర్టు ఆదేశించింది. ఏడుగురు వాలంటీర్లకు ఏపీ హైకోర్టు నోటీసులు జారీ చేసింది. వాలంటీర్ల సర్వీసు నిబంధనలు ఏమిటని ధర్మాసనం ప్రశ్నించింది. ప్రభుత్వ పథకాలకు సంబంధించి అర్హులకు రాజకీయకక్షతో వైఎస్‌ఆర్‌ చేయూత పథకం నిలిపివేయడంపై గారపాడుకు చెందిన 26 మంది ఏపీ హైకోర్టును ఆశ్రయించారు. శుక్రవారం ఈ పిటిషన్‌పై కోర్టు విచారణ జరపగా.. లాయర్ వాదనలు వినిపించారు.