ఏపీలో రైలు ప్రమాదం.. పట్టాలు తప్పిన కేరళ ఎక్స్‌ప్రెస్

కాచిగూడ రైలు ప్రమాదం మరువక ముందే ఏపీలో మరో రైలు ప్రమాదం చోటుచేసుకుంది. ఢిల్లీ నుంచి త్రివేండ్రం వెళ్తున్న కేరళ ఎక్స్‌ప్రెస్‌ చిత్తూరు జిల్లా ఏర్పేడు వద్ద పట్టాలు తప్పింది. ఎనిమిది బోగీలు పట్టాలు తప్పినట్లు తెలుస్తోంది. అయితే ఎలాంటి ప్రాణనష్టం జరగలేదు. ప్రయాణికులు స్వల్ప గాయాలతో బయటపడ్డారు.

Also Read: కాచిగూడ రైలు ప్రమాదం: లోకోపైలట్ చంద్రశేఖర్ గుండెపోటుతో మృతి

ప్రమాద విషయం తెలుసుకున్న రేణిగుంట రైల్వే అధికారులు అప్రమత్తమయ్యారు. ఉన్నతాధికారులకు సమాచారం అందించారు. హుటాహుటిన బయలుదేరి ప్రమాద ఘటన స్థలికి సిబ్బందితో చేరుకుని సహాయక చర్యలు చేపట్టారు. దీంతో ఆ మార్గంలో రైళ్ల రాకపోకలకు తీవ్ర అంతరాయం కలిగింది. పలు రైళ్ల ఎక్కడికక్కడ నిలిపివేయడంతో ప్రయాణికులు తీవ్ర ఇబ్బందులు ఎదుర్కొంటున్నారు.