ఏపీ ప్రజలకు బిగ్ అలర్ట్: మళ్లీ వర్షాలు.. మరో 3 రోజులు, ఈ జిల్లాల్లో భారీగా!

ఆంధ్రప్రదేశ్‌లో ‘గులాబ్’ తుపాను ముప్పు తొలగిన నేపథ్యంలో.. మరో ముప్పు పొంచి ఉంది. ఆగ్నేయ బంగాళాఖాతం నుంచి దక్షిణ ఆంధ్రప్రదేశ్ తీరం వరకు గురువారం ‘ఉపరితల ద్రోణి’ ఏర్పడింది. ఇది ప్రస్తుతం దక్షిణ బంగాళాఖాతం మధ్య ప్రాంతాల్లో ఏర్పడిన ఉపరితల ఆవర్తనం నుంచి తమిళనాడు తీరప్రాంతాల వరకు.. సగటు సముద్రమట్టానికి 3.1 కిలో మీటర్ల వరకు విస్తరించి కొనసాగుతుంది. వీటి ప్రభావం వల్ల ఆంధ్రప్రదేశ్ రాష్ట్రంలో రాబోయే మూడు రోజుల వరకు పలు ప్రాంతాల్లో భారీ నుంచి అతి భారీ వర్షాలు కురుస్తాయని అమరావతి వాతావరణ శాఖ అధికారులు తెలిపారు.

ఉత్తర కోస్తాంధ్ర, యానాం..
శుక్రవారం, శనివారం, ఆదివారం తేలికపాటి నుంచి ఓ మోస్తరు వర్షాలు కొన్ని ప్రదేశాల్లో కురిసే అవకాశం ఉంది.

దక్షిణ కోస్తాంధ్ర..
శుక్రవారం కొన్ని ప్రదేశాల్లో ఉరుములు, మెరుపులతో పాటు తేలికపాటి నుంచి ఓ మోస్తరు వర్షాలు కురిసే అవకాశం ఉంది. శనివారం, ఆదివారం తేలికపాటి నుంచి ఓ మోస్తరు వర్షాలు ఒకటి లేక రెండు ప్రదేశాల్లో కురిసే అవకాశం ఉంది.

రాయలసీమ..శుక్రవారం తేలికపాటి నుంచి ఓ మోస్తరు వర్షాలు కొన్ని ప్రదేశాల్లో కురిసే అవకాశం ఉంది. శనివారం ఉరుములు, మెరుపులతో పాటు తేలికపాటి నుంచి ఓ మోస్తరు వర్షాలు కొన్ని ప్రదేశాల్లో కురిసే అవకాశం ఉంది. ఆదివారం తేలికపాటి నుంచి ఓ మోస్తరు వర్షాలు ఒకటి లేక రెండు ప్రదేశాల్లో కురిసే అవకాశం ఉంది.