ప్రభుత్వ ఉద్యోగులకు జగన్ సర్కార్‌ శుభవార్త.. వారికి మాత్రమే!

ఏపీలో ప్రభుత్వ ఉద్యోగులకు జగన్ సర్కార్ మరో శుభవార్త చెప్పింది. రాష్ట్రవ్యాప్తంగా ఎయిడెడ్‌ విద్యాసంస్థల్లో బోధన, బోధనేతర సిబ్బంది పదవీ విరమణ వయసును ప్రభుత్వం పెంచింది. ప్రస్తుతం 60 ఏళ్లకు ఉన్న 62 ఏళ్లకు పెంచేందుకు ఉద్దేశించిన ఆంధ్రప్రదేశ్‌ విద్యాహక్కు చట్టం 1982 సవరణ బిల్లును ప్రభుత్వం ఆదివారం శాసనసభలో ప్రవేశపెట్టింది.ఆంధ్రప్రదేశ్‌ పబ్లిక్‌ గ్రంథాలయాల చట్టం 1962 సవరణ బిల్లు ద్వారా.. జిల్లా గ్రంథాలయ సంస్థల ఉద్యోగుల పదవీ విరమణ వయసును 62 ఏళ్లకు పెంచేలా కూడా విద్యాశాఖ మంత్రి బొత్స సత్యనారాయణ సభలో ప్రవేశ పెట్టారు. 2022 జవనరి 1 నుంచి 2022 నవంబరు 29 మధ్య అరవై సంవత్సరాలు నిండి, సర్వీసు నుంచి పదవీ విరమణ చేసిన గ్రంథాలయ సంస్థల ఉద్యోగులను తిరిగి తీసుకోవాలని నిర్ణయించినట్లు తెలిపారు. గతంలోనే ప్రభుత్వ ఉద్యోగుల పదవీ విరమణ వయస్సును 62 ఏళ్లకు పెంచిన సంగతి తెలిసిందే.

• Read Latest Andhra Pradesh News and Telugu News