యాప్నగరం

సీఎం జగన్‌కు గాయం, వ్యాయామ టైంలో సడన్‌గా.. ఢిల్లీ పర్యటనలో బిగ్ ట్విస్ట్!

ముఖ్యమంత్రి జగన్మోహన్ రెడ్డి ఢిల్లీ పర్యటన విషయంలో బిగ్ ట్విస్ట్ చోటుచేసుకుంది. సీఎం జగన్ కాలికి గాయమైంది.

Samayam Telugu 24 Sep 2021, 11:11 pm
ఆంధ్రప్రదేశ్ ముఖ్యమంత్రి వైఎస్‌ జగన్మోహన్‌రెడ్డి ఢిల్లీ పర్యటనలో కీలక పరిణామం చోటుచేసుకుంది. ఢిల్లీ పర్యటనకు అంతా సిద్ధమైందని అనుకుంటున్న తరుణంలో కీలక నిర్ణయం తీసుకున్నారు. తన ఢిల్లీ పర్యటనను సీఎం జగన్ రద్దు చేసుకున్నారు. ముఖ్యమంత్రి జగన్ స్థానంలో రాష్ట్ర హోం మంత్రి మేకతోటి సుచరిత, రాష్ట్ర డీజీపీ గౌతమ్‌ సవాంగ్‌ వెళ్లనున్నారు.
Samayam Telugu సీఎం జగన్


కాగా, శుక్రవారం ఉదయం వ్యాయామ సమయంలో సీఎం జగన్‌కు కాలు బెణికింది. సాయంత్రానికి నొప్పి తగ్గకపోవడంతో డాక్టర్లు విశ్రాంతి తీసుకోవాలని సీఎం జగన్‌కు సూచించారు. దీంతో ముఖ్యమంత్రి అప్పటికప్పుడు శనివారం ఢిల్లీ పర్యటనను రద్దు చేసుకున్నారు.

కాగా, తెలంగాణ ముఖ్యమంత్రి కేసీఆర్ శుక్రవారం సాయంత్రమే ఢిల్లీకి చేరుకున్నారు. కేసీఆర్ వెంట ప్రణాళిక సంఘం ఉపాధ్యక్షుడు వినోద్ కుమార్, ఎంపీ సంతోష్ కుమార్, సీఎస్ సోమేశ్ కుమార్ ఉన్నారు. బేగంపేట ఎయిర్‌పోర్టు నుంచి శుక్రవారం మ‌ధ్యాహ్నం ప్రత్యేక విమానంలో సీఎం కేసీఆర్ ఢిల్లీ ప‌ర్యట‌న‌కు బ‌య‌ల్దేరారు. ఢిల్లీ ప‌ర్యట‌న‌లో భాగంగా ఈ నెల 25న‌ కేంద్ర జల్‌శక్తి శాఖ మంత్రి గజేంద్ర సింగ్‌ షెకావత్‌తో కేసీఆర్ స‌మావేశం కానున్నారు.

26న విజ్ఞాన్‌ భవన్‌లో కేంద్ర హోం మంత్రిత్వ శాఖ ఆధ్వర్యంలో నిర్వహించే తీవ్రవాద ప్రభావిత రాష్ర్టాల ముఖ్యమంత్రుల సమావేశంలో పాల్గొంటారు. అయితే, రెండు రాష్ట్రాల ముఖ్యమంత్రులు ఢిల్లీ పర్యటనకు వెళ్తుండటం ఆసక్తిరేకెత్తించింది. చాలా కాలం తర్వాత జగన్, కేసీఆర్ కవవబోతుండటం చర్చనీయాంశంగా మారింది. ఈ క్రమంలో సీఎం జగన్ కాలికి గాయమైందంటూ ఢిల్లీ టూర్‌ని రద్దు చేసుకోవడం గమనార్హం.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.