ఢిల్లీలో ప్రధాని మోదీని కలిసిన సీఎం వైఎస్ జగన్

ఆంధ్రప్రదేశ్ ముఖ్యమంత్రి వైఎస్ జగన్ (Ys Jagan) ఢిల్లీలో ప్రధాని నరేంద్ర మోదీ (Pm Narendra Modu)తో సమావేశం అయ్యారు. సీఎం వైఎస్సార్‌సీపీ ఎంపీలతో కలిసి పార్లమెంట్‌కు వచ్చారు. పార్లమెంటు ఆవరణలోని ప్రధాని కార్యాలయంలో ఈ భేటీ జరిగింది. సీఎం జగన్ రాష్ట్రానికి సంబంధించిన పలు అంశాలపై ప్రధానితో చర్చించారు.. ప్రధాని, ఏపీ సీఎంల సమావేశం అరగంటకుపైగా సాగింది. విభజన హామీలు, సమస్యలు, పెండింగ్ నిధులపై ప్రధానంగా చర్చించినట్లు తెలుస్తోంది. మధ్యాహ్నం 2.30 గంటలకు కేంద్ర హోంశాఖ మంత్రి అమిత్ షా (Amit Shah)తో సీఎం జగన్ భేటీ కానున్నారు. అనంతరం పలువురు కేంద్రమంత్రులతో కూడా సీఎం జగన్‌ భేటీ అయ్యే అవకాశం ఉంది. అనంతరం తిరిగి విజయవాడకు బయల్దేరనున్నారు. ముఖ్యమంత్రి వైఎస్ జగన్‌ గురువారం రాత్రి ఢిల్లీకి వెళ్లారు. గన్నవరం నుంచి బయల్దేరి రాత్రి 7.30 గంటల సమయంలో హస్తినకు చేరుకున్నారు. వన్‌ జన్‌పథ్‌లో రాత్రి బస చేశారు.

• Read Latest Andhra Pradesh News and Telugu News