డీఎంకే చీఫ్ స్టాలిన్‌కు ఫోన్ చేసిన సీఎం జగన్

తమినాడు అసెంబ్లీ ఎన్నికల్లో ద్రవిడ మున్నేట్ర కజగం (డీఎంకే) సింగిల్‌గానే మ్యాజిక్‌ ఫిగర్‌ (117 స్థానాలు) దాటేసి భారీ విజయం దిశగా దూసుకుపోతుంది. పదేళ్లు అధికారానికి దూరంగా ఉన్న డీఎంకే మరోసారి అధికారం చేపట్టబోతుంది. డీఎంకే సుప్రీం స్టాలిన్‌ ముఖ్యమంత్రిగా బాధ్యతలు చేపట్టడం ఇక లాంఛనమే. కలత్తూరులో బరిలో దిగిన స్టాలిన్‌ భారీ విజయం దిశగా దూసుకుపోతున్నారు.

ఈ నేపథ్యంలో ఆంధ్రప్రదేశ్ ముఖ్యమంత్రి వైఎస్‌ జగన్మోహన్‌రెడ్డి స్టాలిన్‌కు ఫోన్ చేసి అభినందనలు తెలిపారు. ఇక తమిళనాడులో డీఎంకే కూటమి ప్రస్తుతం 157 స్థానాల్లో స్పష్టమైన అధిక్యం దిశగా దూసుకుపోతోంది. కలత్తూరులో బరిలో దిగిన స్టాలిన్‌, చెపాక్‌లో పోటీ చేసిన ఉదయనిధి స్టాలిన్ భారీ విజయం దిశగా దూసుకుపోతున్నారు. దీంతో ఇప్పటికే స్టాలిన్‌ నివాసం వద్ద సందడి నెలకొంది. డీఎంకే కార్యకర్తలు పెద్ద ఎత్తున సంబరాలు చేసుకుంటున్నారు.